മട്ടന്നൂരിൽ ഇന്നോവയും ഓട്ടോറിക്ഷയും കൂട്ടിയിടിച്ചു; നാലുപേർക്ക് പരുക്ക്

മട്ടന്നൂർ : മട്ടന്നൂരിൽ വാഹനാപകടത്തിൽ നാല് പേർക്ക് പരിക്ക്. ഞായറാഴ്ച ഉച്ചയ്ക്ക് ഒന്നിനായിരുന്നു അപകടം. പരിക്കേറ്റ ഓട്ടോ ഡ്രൈവർ കുഞ്ഞിപ്പള്ളി കനാലിന് സമീപത്തെ മുനീർ യാത്രകാരായ ശ്രീലക്ഷ്മി, ആദിത്യൻ,എന്നിവരെ കണ്ണൂരിലെ സ്വകാര്യ ആശുപത്രിയിലും ഡ്രൈവറെ മട്ടന്നൂരിലെ സ്വകാര്യ ആശുപത്രിയിലും പ്രവേശിപ്പിച്ചു.

മട്ടന്നൂർ - ഇരിട്ടി റോഡിൽ പെട്രോൾ പമ്പിന് മുൻവശത്തായിരുന്നു അപകടം. കണ്ണൂരിൽ നിന്നും ഇരിട്ടിയിലേക്ക് പോകുകയായിരുന്ന ഇന്നോവയും ഇരിട്ടി ഭാഗത്ത് നിന്നും മട്ടന്നൂരിലേക്ക് വരികയായിരുന്ന ഓട്ടോറിക്ഷയുമായി കൂട്ടിയിടിക്കുകയായിരുന്നു. ഓട്ടോയ്ക്ക് പിന്നാലെ വന്ന മറ്റൊരു ഓട്ടോ റിക്ഷയും അപകടത്തിൽപ്പെട്ടു. വിവരം അറിഞ്ഞ് മട്ടന്നൂരിൽ നിന്നെത്തിയ പൊലീസും നാട്ടുകാരും സ്ഥലത്തെത്തി രക്ഷാപ്രവർത്തനം നടത്തി. അപകടത്തിൽ മൂന്ന് വാഹനങ്ങളും തകർന്നു.