ടോറസ് ലോറി ബൈക്കിൽ ഇടിച്ച് യുവാവിന് ദാരുണാന്ത്യം; അപകടം കോട്ടയം മറ്റക്കരയിൽ

കോട്ടയം: മറ്റക്കരയിൽ ടോറസ് ലോറി ബൈക്കിൽ ഇടിച്ച് യുവാവിനു ദാരണാന്ത്യം. മറ്റക്കര കിളിയൻകുന്ന് നിവാസി അഞ്ചാനിക്കൽ ഗോപാലന്റെ മകൻ ഷിബു(28) വാണ് മരിച്ചത്.

മറ്റക്കര വടക്കേടം ജംഗ്ഷനു താഴെ വടക്കേടത്തിനും ആലുംമൂടിനും ഇടയിലെ വളവിലായിരുന്നു അപകടം. വെള്ളിയാഴ്ച ഉച്ചക്ക് ഒന്നരയോടെയാണ് സംഭവം. ഇടിയുടെ ആഘാതത്തിൽ തെറിച്ച് വീണ യുവാവ് സംഭവ സ്ഥലത്ത് വച്ച് മരിച്ചതായി ദൃസാക്ഷികൾ പറഞ്ഞു.

അയർക്കുന്നം പൊലീസെത്തിയാണ് മൃതദേഹം മാറ്റിയത്. ഓമനയാണ് അമ്മ. സഹോദരി: നിഷ.