മലപ്പുറം: മലപ്പുറത്ത് ഫുട്‌ബോൾ കളി കഴിഞ്ഞ് മടങ്ങുന്നതിനിടെ ബൈക്കിൽ കാറിടിച്ച് 23വയസ്സുകാരനായ യുവാവ് മരിച്ചു. സഹോദരന് പരിക്കേറ്റു. മോങ്ങം ഒഴുകൂർ കുമളം കാട് മുഹമ്മദിന്റെ മകൻ മുഹമ്മ് റാഷിദ് (23) ആണ് മരിച്ചത്. സഹോദരൻ മുഹമ്മദ് ഫാസിൽ (20)നാണ് പരിക്ക്. ഞായറാഴ്ച പുലർച്ചെയാണ് അപകടം.

മോങ്ങം തടപ്പറമ്പ് ഫുട്‌ബോൾ ടെറഫിൽ കളി കഴിഞ്ഞ് ഇരുവരും ബൈക്കിൽ വീട്ടിലേക്ക് മടങ്ങുകയായിരുന്നു. ദേശീയ പാതയിൽ മൊറയൂരിന് സമീപം കോഴിക്കോട് ഭാഗത്ത് നിന്ന് വന്ന ലോറിയെ മറികടന്ന് കയറിയ കാർ ബൈക്കിനെ ഇടിച്ച് തെറിപ്പിക്കുകയായിരുന്നു. മരിച്ച മുഹമ്മദ് റാഷിദ് കുഴിമണ്ണയിൽ വാവാ സലൂൺ നടത്തുകയാണ്. മൃതദേഹം മഞ്ചേരി മെഡിക്കൽ കോളജിൽ പോസ്റ്റ്‌മോർട്ടം നടത്തി ഒഴുകൂർ പള്ളിമുക്ക് ജുമാ മസ്ജിദ് ഖബർസ്ഥാനിൽ ഖബറടക്കി. മാതാവ്: ഫാത്തിമ. മറ്റ് സഹോദരങ്ങൾ: റസാഖ് (റിയാദ്), അഫ്‌സൽ, ഷംസുദീൻ, ബുഷ്‌റ, റസിയ, ഷറഫുന്നിസ, ഫസീല.

 

 

ജംഷാദ് മലപ്പുറം

    മറുനാടന്‍ മലയാളി ന്യൂസ് കോണ്‍ട്രിബ്യൂട്ടര്‍