മലപ്പുറം: മലപ്പുറം പള്ളിക്കൽ ബസാർ ആണ്ണൂർ രാമൻചിറ തോട്ടിൽ കുളിക്കുന്നതിനിടെ ഒഴുക്കിൽപ്പെട്ട വിദ്യാർത്ഥി മരിച്ചു. പുത്തൂർ പള്ളിക്കൽ വി.പി.കെ.എം.എം.എച്ച് എസ് എട്ടാം ക്ലാസ് വിദ്യാർത്ഥി പള്ളിക്കൽ ബസാർ ആണ്ണൂർ ചിറ്റം പള്ളിയാളിയിൽ മുഹമ്മദ് മിഖ്ദാദ്(13) ആണ് മരിച്ചത്.

ബുധനാഴ്‌ച്ച വൈകിട്ട് ആറ് മണിയോടെയാണ് കുട്ടിയെ കാണാതായത്. വസ്ത്രവും ചെരിപ്പും രാമൻ ചിറ തോടിന്റെ കരയിൽ നിന്നും ലഭിച്ചതിനെ തുടർന്ന് ആദ്യം നാട്ടുകാർ തിരച്ചിൽ ആരംഭിച്ചു. തുടർന്ന് മീഞ്ചന്തയിൽ നിന്നും എത്തിയ ഫയർ ഫോയിസും, മുങ്ങൽ വിദഗ്ധരും രാത്രി ഏറെ വൈകിയും തിരച്ചിൽ നടത്തിവരുന്നതിനിടെ ഒരു കിലോമീറ്റർ താഴെ പേങ്ങാട്ട് ഭാഗത്ത് നിന്നാണ് കുട്ടിയുടെ മൃതദേഹം കിട്ടിയത്.അബ്ദുൽ ബാരി സുഹറ ദമ്പതികളുടെ മകനാണ്.സഹോദരങ്ങൾ: ജുമാന, മിദ്ലാജ്, ലുബാന, ലുബാബ.