അമിത്​ ഷാക്കൊപ്പം ബിജെപി വേദിയിലെത്തി നടൻ ദേവൻ; താരമെത്തിയത് വിജയ കേരള ​യാത്രയുടെ സമാപന ചടങ്ങിൽ

തിരുവനന്തപുരം: അമിത്​ ഷാക്കൊപ്പം ബിജെപി വേദിയിലെത്തി നടൻ ദേവൻ. കെ.സുരേന്ദ്രൻ നയിക്കുന്ന വിജയ കേരള ​യാത്രയുടെ സമാപന ചടങ്ങിലാണ് ദേവൻ എത്തിയത്. ശംഖുമുഖം കടപ്പുറത്ത്​ അമിത്​ ഷാക്കൊപ്പം വേദി പങ്കിട്ട​ ദേവൻ തന്റെ രാഷ്​ട്രീയ നിലപാട്​ ​പ്രഖ്യാപിക്കും. താൻ പുതുതായി രൂപീകരിച്ച നവകേരള പീപ്പിൾസ്​ പാർട്ടി എൻ.ഡി.എയുടെ ഭാഗമാക്കിയ​താണോ അതോ പാർട്ടി ബിജെപിയിൽ ലയിപ്പിച്ചതാണോ എന്ന്​ ദേവൻ സദസ്സിനോട്​ വ്യക്തമാക്കും.

നിലവിലെ മുന്നണികൾക്കുള്ള രാഷ്​ട്രീയ ബദലാണ്​ തന്റെ പാർട്ടിയെന്നാണ്​ ദേവൻ നേരത്തേ പറഞ്ഞിരുന്നത്​. ബിജെപി നേതൃത്വം താനുമായി ചർച്ച​ നടത്തിയിരുന്നെന്നും എന്നാൽ തന്റെ വ്യക്തിത്വം ആർക്കും അടിയറവ വെക്കാൻ തയ്യാറല്ല എന്നും ദേവൻ പ്രതികരിച്ചിരുന്നു. പ്രധാനമന്ത്രി നരേന്ദ്ര മോദിയുടെ ആരാധകനാണെന്നും അതേ സമയം അദ്ദേഹത്തിന്റെ ഹിന്ദുത്വത്തോട്​ എതിർ​പ്പുണ്ടെന്നും ചാനൽ അഭിമുഖത്തിൽ ദേവൻ പറഞ്ഞിരുന്നു.