നടിപ്പിൻ നായകൻ സൂര്യയുടെ സൂപ്പർഹിറ്റ് ചിത്രം സിങ്കം 3 ഇന്റർനെറ്റിൽ.ചിത്രത്തിന്റെ വ്യാജ പകർപ്പ് ഇന്ന് പ്രചരിച്ചുതെന്നിന്ത്യൻ സിനിമകൾക്ക് ഭീഷണിയായി റിലീസ് ചിത്രങ്ങൾ സോഷ്യൽ മീഡിയയിലൂടെ പുറത്തിറക്കുന്ന തമിഴ് റോക്കേഴ്സ് സിങ്കം 3യും ഇന്റർനെറ്റിൽ പ്രചരിക്കുമെന്ന് നേരത്തെ തന്നെ വെല്ലുവിളികളുണ്ടായിരുന്നു. പരസ്യമായി വെല്ലുവിളിച്ചാണ് ഇന്നലെ തീയറ്ററുകളിലെത്തിയ ചിത്രത്തിന്റെ ലൈവ് സ്ട്രീമിങ് തമിഴ്റോക്കേഴ്സ് നടത്തിയത്. സിങ്കം3 ലൈവ് സ്ട്രീമിങ് നടത്തുമെന്ന് നിർമ്മാതാവിനെ ഫോണിൽ വിളിച്ച് ഭീഷണിപ്പെടുത്തിയിരുന്നു. ഇതിന് പിന്നാലെ ഇന്നലെ ചിത്രത്തിന്റെ ആദ്യ പ്രദർശനങ്ങൾ കഴിഞ്ഞതോടെ തങ്ങളുടെ ട്വിറ്റർ അക്കൗണ്ടിലൂടെ ചിത്രം ഉടൻ എത്തുമെന്ന് പറഞ്ഞിരുന്നു.

തമിഴ് റോക്കേഴ്സിന്റെ ഭീഷണിക്ക് അന്നു തന്നെ നിർമ്മാതാവ് ജ്ഞാനവേൽ രാജ മറുപടി നൽകിയിരുന്നു. രണ്ട് വർഷത്തെ തങ്ങളുടെ കഠിനപ്രയത്‌നമാണ് ചിത്രമെന്നും ലൈവ് സ്ട്രീമിങ് നടത്തിയാൽ അതിന് പിന്നിൽ പ്രവർത്തിക്കുന്നവർ ആറ് മാസത്തിനകം ജയിലിലാകുമെന്നും രാജ പറഞ്ഞു.എന്നാൽ ഭീഷണിയിൽ നിന്ന് പിന്നോട്ടില്ലെന്ന് ആവർത്തിച്ച തമിഴ് റോക്കേഴ്‌സ് ഇന്ന് രാവിലെ സിങ്കം 3 തങ്ങൾ ലൈവ് സ്ട്രീമിങ് നടത്തുകയായിരുന്നു.