ഒരിടവേളയ്ക്ക് ശേഷം വീണ്ടും ജയം രവി കാക്കിയണിയുന്നു.ജയം രവി നായകനാകുന്ന പുതിയ സിനിമയായ അഡങ്ക മറിന്റെ ട്രെയിലർ പുറത്തുവിട്ടു. അനീതിക്കെതിരെ വിട്ടുവീഴ്ചയില്ലാതെ പോരാടുന്ന ഒരു പൊലീസ് ഓഫീസറായിട്ടാണ് ജയം രവി ചിത്രത്തിൽ അഭിനയിക്കുന്നത്. തനി ഒരുവൻ, ബോഗൻ തുടങ്ങിയ ചിത്രങ്ങളിലും ജയം രവി പൊലീസ് ഓഫീസറായി അഭിനയിച്ചിട്ടുണ്ട്

കാർത്തിക് തങ്കവേലു തിരക്കഥയെഴുതി സംവിധാനം ചെയ്യുന്ന ചിത്രത്തിൽ മീര വാസുദേവും ഒരു പ്രധാന കഥാപാത്രത്തെ അവതരിപ്പിക്കുന്നു. നവംബറിൽ ചിത്രം റിലീസ് ചെയ്യും. അതേസമയം തനി ഒരുവന്റെ രണ്ടാം ഭാഗവും ജയം രവിയുടേതായി ഒരുങ്ങുന്നുണ്ട്. സഹോദരൻ മോഹൻ രാജ തന്നെയാണ് ചിത്രം സംവിധാനം ചെയ്യുന്നത്.