നടി കുരുക്കിൽ നിന്നും കുരുക്കിലേക്ക്; ബ്യൂട്ടിപാർലർ വെടിവയ്‌പ്പുകേസിൽ ലീന മരിയ പോളിനെ അന്വേഷണസംഘം വീണ്ടും ചോദ്യം ചെയ്തു; ചോദ്യം ചെയ്യൽ നടിയെ വിളിച്ചത് രവി പൂജാരി തന്നെയെന്ന് പൊലീസ് സ്ഥിരീകരിച്ചതിന്റെ അടിസ്ഥാനത്തിൽ; വെടിയുതിർത്തതുകൊച്ചിയിലെ പ്രാദേശിക ഗുണ്ടകളെന്ന് പൊലീസ്; അധോലോക നായകനുമായുള്ള സാമ്പത്തിക ഇടപാടുകൾ പരിശോധിക്കും; നടിയുടെ പേരിലുള്ള തട്ടിപ്പ് കേസിലും അന്വേഷണം; ലീന മരിയ പോളിനെ വീണ്ടും ചോദ്യം ചെയ്‌തേക്കും
കൊച്ചി: ബ്യൂട്ടിപാർലർ വെടിവയ്‌പ്പുകേസിൽ നടി ലീന മരിയാ പോൾ കുരുക്കിൽ നിന്നും കുരുക്കിലേക്ക് വീഴുന്നു. വെടിവയപ്പു കേസിൽ നടിയെ അന്വേഷണ സംഘം വീണ്ടും ചോദ്യം ചെയ്തു. നടിയെ വിളിച്ചത് അധോലോക നായകൻ രവി പൂജാരിതന്നെയെന്ന് പൊലീസ് സ്ഥിരീകരിച്ചതിന്റെ അടിസ്ഥാനത്തിലാണ് പൊലീസിന്റെ നടപടി. കേസിൽ അന്വേഷണ സംഘം നടിയുമായി ചുറ്റു പറ്റിയുള്ള ദുരൂഹതകളും ചികയുന്നുണ്ട്. കൊച്ചിയിലെ പ്രാദേശിക ഗുണ്ടകളാണ് ബ്യൂട്ടി പാർലറിനുനേരെ വെടിയുതിർത്തതെന്നാണ് പൊലീസിന്റെ പക്ഷം. ലീനയുടെ സ്ഥാപനമായ നെയിൽ ആർട്ടിസ്ട്രിയുടെ പരസ്യ വിപണനത്തിനു മാത്രം കോടികളാണു ചെലവഴിച്ചിട്ടുള്ളതെന്നാണു വിവരം.കള്ളപ്പണം വെളുപ്പിക്കാൻ സ്ഥാപനത്തെ ഉപയോഗിച്ചിരുന്നോ എന്നതും പൊലീസ് പരിശോധിക്കുന്നുണ്ട്. ബിസിനസിന്റെ പിന്നിൽ നടക്കുന്ന കള്ളപ്പണ ഇടപാടുകളെപ്പറ്റിയും പൊലീസിനു സംശയമുണ്ട്. മംഗലാപുരം, ബാംഗ്ലൂർ എന്നിവിടങ്ങൾ കേന്ദ്രീകരിച്ച് നടത്തിയ അന്വേഷണത്തിലാണ് ഏഷ്യാനെറ്റ് ന്യൂസിലേക്കും ലീന മരിയ പോളിനെയും ഫോണിൽ വിളിച്ചത് രവി പൂജാരി തന്നെയാണെന്ന് പൊലീസ് സ്ഥിരീകരിച്ചത്. ഇയാള
കൊച്ചി: ബ്യൂട്ടിപാർലർ വെടിവയ്‌പ്പുകേസിൽ നടി ലീന മരിയാ പോൾ കുരുക്കിൽ നിന്നും കുരുക്കിലേക്ക് വീഴുന്നു. വെടിവയപ്പു കേസിൽ നടിയെ അന്വേഷണ സംഘം വീണ്ടും ചോദ്യം ചെയ്തു. നടിയെ വിളിച്ചത് അധോലോക നായകൻ രവി പൂജാരിതന്നെയെന്ന് പൊലീസ് സ്ഥിരീകരിച്ചതിന്റെ അടിസ്ഥാനത്തിലാണ് പൊലീസിന്റെ നടപടി. കേസിൽ അന്വേഷണ സംഘം നടിയുമായി ചുറ്റു പറ്റിയുള്ള ദുരൂഹതകളും ചികയുന്നുണ്ട്. കൊച്ചിയിലെ പ്രാദേശിക ഗുണ്ടകളാണ് ബ്യൂട്ടി പാർലറിനുനേരെ വെടിയുതിർത്തതെന്നാണ് പൊലീസിന്റെ പക്ഷം.
ലീനയുടെ സ്ഥാപനമായ നെയിൽ ആർട്ടിസ്ട്രിയുടെ പരസ്യ വിപണനത്തിനു മാത്രം കോടികളാണു ചെലവഴിച്ചിട്ടുള്ളതെന്നാണു വിവരം.കള്ളപ്പണം വെളുപ്പിക്കാൻ സ്ഥാപനത്തെ ഉപയോഗിച്ചിരുന്നോ എന്നതും പൊലീസ് പരിശോധിക്കുന്നുണ്ട്. ബിസിനസിന്റെ പിന്നിൽ നടക്കുന്ന കള്ളപ്പണ ഇടപാടുകളെപ്പറ്റിയും പൊലീസിനു സംശയമുണ്ട്.
മംഗലാപുരം, ബാംഗ്ലൂർ എന്നിവിടങ്ങൾ കേന്ദ്രീകരിച്ച് നടത്തിയ അന്വേഷണത്തിലാണ് ഏഷ്യാനെറ്റ് ന്യൂസിലേക്കും ലീന മരിയ പോളിനെയും ഫോണിൽ വിളിച്ചത് രവി പൂജാരി തന്നെയാണെന്ന് പൊലീസ് സ്ഥിരീകരിച്ചത്. ഇയാളുടെ അനുയായി സംഘത്തിലുണ്ടായിരുന്നവരാണ് ശബ്ദം തിരിച്ചറിഞ്ഞത്.
ശബ്ദത്തിന്റെ ഔദ്യോഗിക ഫോറൻസിക് പരിശോധനാഫലവും ഉടൻ ലഭിക്കും. അങ്ങനെയെങ്കിൽ നടിക്ക് രവി പൂജാരിയുമായുള്ള ബന്ധമെന്താണെന്നാണ് പൊലീസ് കണ്ടെത്തെണ്ടേത്. ഇവർ തമ്മിൽ സാമ്പത്തിക ഇടപാടുകൾ നടത്തിയിട്ടുണ്ടോയെന്നാണ് പ്രധാനമായും പരിശോധിക്കുന്നത്. ലീനയോട് വീണ്ടും ചോദ്യം ചെയ്യലിനായി അന്വേഷണ സംഘത്തിന് മുന്നിൽ ഹാജരാകാൻ പൊലീസ് ആവശ്യപ്പെടും.
ബ്യൂട്ടി പാർലറിന് നേരെ വെടിയുതിർത്തതുകൊച്ചിയിലെ പ്രദേശിക ഗുണ്ടാ സംഘമാണെന്നാണ് പൊലീസിന്റെ കണ്ടെത്തൽ. മംഗലാപുരത്തെ പൂജാരിയുടെ അനുയായികൾ നൽകിയ ക്വട്ടേഷൻ ഏറ്റെടുത്തുകൊച്ചി സ്വദേശികളാണ് വെടിയുതിർത്തത്. ക്വട്ടേഷൻ നൽകിയതിനുപിന്നിൽ രവി പൂജാരയാണോയെന്ന് ഇവർക്ക് അറിവുണ്ടായിരുന്നില്ലെന്നുമാണ് പൊലീസ് കരുതുന്നത്. പ്രതികൾ ഉടൻ പിടിയിലാകുമെന്നാണ് സൂചന.
അതേസമയം ലീന മരിയ പോൾ ബോളിവുഡ് താരങ്ങളെയടക്കം സ്വകാര്യ ചടങ്ങുകൾക്ക് എത്തിക്കാമെന്നേറ്റ് സംസ്ഥാനത്തെ വ്യവസായ പ്രമുഖരിൽനിന്നടക്കം ലക്ഷങ്ങൾ തട്ടിയ സംഭവത്തിൽ വിവിധ സ്റ്റേഷനുകളിലായി രജിസ്റ്റർ ചെയ്ത കേസുകളുടെ വിവരങ്ങളും അന്വേഷണ സംഘം ശേഖരിച്ചിട്ടുണ്ട്. ഹൈക്കോടതിയിൽ നൽകിയ സത്യവാങ്ങ്മൂലത്തിൽ ലീനയ്‌ക്കെതിരെ 3 സാമ്പത്തിക തട്ടിപ്പുകൾ നടത്തിയതിന് കേസുകൾ രജിസ്റ്റർ ചെയ്തിട്ടുണ്ടെന്ന് സർക്കാർ അറിയിച്ചിരുന്നു.
പണം ആവശ്യപ്പെട്ട് മുംബൈ അധോലോകത്തിൽ നിന്നും തനിക്ക് പല തവണയായി ഭീഷണി കോളുകൾ വന്നിരുന്നുവെന്നാണ് ലീന പറയുന്നത്. ആ ഫോൺ കോളുകൾ എല്ലാം രവി പൂജാരിയുടെ പേരിലായിരുന്നു. പണം നൽകാൻ ലീന വിസമ്മതിച്ചു. വീണ്ടും കോളുകൾ വന്നു. 25 കോടിയായിരുന്നു ലീനയിൽ നിന്നും ആവശ്യപ്പെട്ടിരുന്നത്. കൊടുക്കില്ലെന്നു വീണ്ടും പറഞ്ഞു. കൂടാതെ പൊലീസിൽ ഈ വിവരം കാണിച്ച് പരാതിയും നൽകി. ഇതോടെ ഉണ്ടായ പ്രതികാരമാണ് തന്റെ സ്ഥാപനത്തിനു നേരെ നടന്ന ആക്രമണം എന്നാണ് ലീനയുടെ മൊഴി!
അധോലോക നായകനും ചലച്ചിത്ര നടിയും തമ്മിൽ എങ്ങനെ വൈരാഗ്യം വന്നു? ചലച്ചിത്ര നടിയെന്ന നിലയിൽ അത്ര പ്രശസ്തയല്ലാത്ത ലീനയിൽ നിന്നും 25 കോടി രൂപ ആവശ്യപ്പെടാൻ രവി പൂജാരിയെപ്പോലൊരാൾ തയ്യാറായത് എന്തുകൊണ്ടായിരിക്കും? ഇവർ തമ്മിലുള്ള ബന്ധം എന്ത്? ഇങ്ങനെ ഉത്തരം കിട്ടേണ്ട ചോദ്യങ്ങൾ നിരവധിയാണ്.
