എയർ ന്യൂസിലന്റിന്റെ പ്രതിദിന സർവ്വീസുകളിലൊന്നായ കൈപൈറ്റി കോസ്റ്റ്- ഓക് ലന്റ് സർവ്വീസ് നിർത്തുന്നു. ഏപ്രിൽ മൂന്ന് മുതലാണ് ഈ സർവ്വീസ് നിർത്തലാക്കുന്നത്.

2011 മുതലാണ് ഈ കൈപൈറ്റി ൃ ഓക്ലന്റ് സർവ്വീസ് ആരംഭിച്ചത്. എന്നാൽ എയർ ന്യൂസിലന്റിന്റെ ഇപ്പോഴത്തെ പിന്മാറ്റം നിരവധി പേർക്ക് വിശ്വസിക്കാനായിട്ടില്ല. ഉപഭോക്താക്കളുടെ കുറവാണ് സർവ്വീസ് നിർത്തലാക്കുന്നതിന്റെ പിന്നിലുള്ള കാരണമെന്നാണ് സൂചന. എന്തായാലും കമ്പനിയുടെ പിന്മാറ്റം മറ്റ് എയർലൈനുകൾക്ക് ഏറെ പ്രതീക്ഷ ഉണ്ടാക്കുന്നുണ്ട്.

ഏപ്രിൽ മൂന്നിന് ശേഷം ഈ സർവ്വീസിലേക്ക് ബുക്ക് ചെയ്തിരിക്കുന്ന യാത്രക്കാർക്ക് മറ്റ് സൗകര്യം ഒരുക്കുമെന്ന് കമ്പനി അറിയിച്ചു.2015 ൽ ക്രൈസ്റ്റ് ചർച്ച് കൈപിറ്റി സർവ്വീസ് നിർത്തലാക്കിയതിന് പിന്നാലെയാണ് ഇപ്പോഴത്തെ സർവ്വീസ് നിർത്തലാക്കൽ.