'അബ്ദുള്ള കുട്ടിയെ വിളിച്ചു അറിയിക്കാൻ ഇതയാളുടെ മരുമോളുടെ നിക്കാഹൊന്നും അല്ലല്ലോ.? സ്വന്തക്കാർ പോലും ഓനെ ഒരു പരിപാടിക്കും വിളിക്കില്ലാ': ബിജെപി നേതാവിനെ പരിഹസിച്ച് ഐഷ സുൽത്താന

കൊച്ചി: ലക്ഷദ്വീപിലെ നബി ദിനാഘോഷവുമായി ബന്ധപ്പെട്ട പോസ്റ്റിൽ അബ്ദുള്ളക്കുട്ടിക്കെതിരെ ഐഷ സുൽത്താനയുടെ പരാമർശം 'അബ്ദുള്ള കുട്ടിയെ അറിയിച്ചില്ലേ.. പാവം കുട്ടി, ഒരുപാടു വിഷമിക്കും' എന്നൊരാളുടെ കമന്റിനാണ് ഐഷ പരമാർശം നടത്തിയിരിക്കുന്നത്. 'അബ്ദുള്ള കുട്ടിയെ വിളിച്ചു അറിയിക്കാൻ ഇതയാളുടെ മരുമോളുടെ നിക്കാഹൊന്നും അല്ലല്ലോ...? സ്വന്തക്കാർ പോലും ഓനെ ഒരു പരിപാടിക്കും വിളിക്കില്ലാ അപ്പോഴാ ഇനി ദ്വീപുക്കാർ വിളിക്കാൻ നിക്കാ..' ഐഷ സുൽത്താന മറുപടി പറഞ്ഞു.

ബിജെപി നേതാവായ അബ്ദുള്ളക്കുട്ടി ലക്ഷദ്വീപ് വിഷയത്തിൽ സ്വീകരിച്ച നിലപാടിനെതിരെ രൂക്ഷ പ്രതികരണം നടത്തിയിട്ടുള്ളയാളാണ് ഐഷ സുൽത്താന. ഗുണ്ടാ ആക്ട് നടപ്പിലാക്കിയതുമായി ബന്ധപ്പെട്ട പ്രസ്താവനയിലും ഐഷ വിമർശനം ഉന്നയിച്ചിരുന്നു.