കുഞ്ചാക്കോ ബോബൻ നായകനാവുന്ന പുതിയ ചിത്രം അള്ള് രാമേന്ദ്രൻ' ടീസർ പുറത്തിറങ്ങി. ചെറിയ ബജറ്റിന്റെ പേരിൽ വാർത്തകളിൽ ഇടംപിടിച്ച 'പോരാട്ട'ത്തിന്റെ സംവിധായകൻ ബിലഹരിയുടെ രണ്ടാമത്തെ ചിത്രമാണ് 'അള്ള് രാമേന്ദ്രൻ'. ചിത്രത്തിന്റെ ആദ്യ ടീസർ പുറത്തിറങ്ങിയതോടെ വൻ വരവേല്പാണ് പ്രേക്ഷകർ നല്കുന്നത്. യുട്യബ് ട്രെന്റിങിൽ രണ്ടാം സ്ഥാനത്താണ് ടീസറിപ്പോൾ.

ആഷിഖ് ഉസ്മാൻ നിർമ്മിക്കുന്ന ചിത്രത്തിൽ ചാക്കോച്ചനൊപ്പം ചാന്ദ്നി ശ്രീധരൻ, അപർണ ബാലമുരളി, കൃഷ്ണശങ്കർ തുടങ്ങിയവർ മറ്റ് പ്രധാന കഥാപാത്രങ്ങളെ അവതരിപ്പിക്കുന്നു. കുഞ്ചാക്കോ ബോബൻ ഇതുവരെ കാണാത്ത മട്ടിലുള്ള കഥാപാത്രമാണ് ടീസറിൽ.

സജിൻ ചെറുകയിൽ, വിനീത് വാസുദേവൻ, ഗിരീഷ് എന്നിവർ ചേർന്നാണ് രചന. ഛായാഗ്രഹണം ജിംഷി ഖാലിദ്. സംഗീതം ഷാൻ റഹ്മാൻ. എഡിറ്റിങ് ആകാശ് ജോസഫ് വർഗീസ്.