മലയാളത്തിൽ നിന്നും എത്തി തെന്നിന്ത്യ കീഴടക്കിയ താര റാണിയാണ് അമലാ പോൾ. തമിഴിലും തെലുങ്കിലുമായി നിരവധി വിജയ ചിത്രങ്ങളാണ് അമലാ പോളിനുള്ളത്. എന്നിരുന്നാലും ഫോണിന്റെ ഉപയോഗത്തിൽ അമലാ പോൾ വലിയ വീക്കാണ്. ഫോൺ ഉപയോഗത്തിൽ പിന്നോക്കമായതിനാൽ പല സുഹൃത്തുക്കളേയും നഷ്ടമയിട്ടുണ്ടെന്നും അമല പറയുന്നു.

അമല പോളിന്റെ ഹോട്ട് വീഡിയോസും ചിത്രങ്ങളും കാണാൻ സബ്‌സ്‌ക്രൈയ്ബ് ചെയ്യൂ എന്നൊക്കെ പറഞ്ഞു കൊണ്ടുള്ള മെസേജുകൾ എനിക്കും വരാറുണ്ട്. അതു കാണുമ്പോൾ ദേഷ്യം വരാറുണ്ട്. പക്ഷേ ചില സമയത്ത് അതെല്ലാം തമാശയായി തോന്നും. എന്റെ കൂട്ടുകാർക്കെല്ലാം അത്തരം സന്ദേശങ്ങളുടെ സ്‌ക്രീൻ ഷോട്ട് എടുത്ത് അയക്കും.

ഫോൺ ഉപയോഗിക്കുന്നതിൽ ഞാൻ വളരെ പിന്നോക്കമാണ്. എന്റെ മാനേജർക്ക് എന്നെ ഫോണിൽ കിട്ടാൻ അയൽപക്കത്തെ വീട്ടിലേക്ക് വിളിക്കേണ്ടി വന്നിട്ടുണ്ട്. എനിക്ക് ഒരുപാട് കോളുകളും മെസേജുകളും വരാറുണ്ട്. ട്രൂ കോളർ ഉള്ളതുകൊണ്ട് ചിലരുടെ കോളുകൾ എടുക്കില്ല. മെസേജുകൾ വരാറുണ്ട്. കുറേ പരസ്യ മെസേജുകൾ കിട്ടാറുണ്ട്.

കൃത്യമായി കോളെടുക്കാത്തതിനാൽ എനിക്ക് ഒരുപാട് സുഹൃത്തുക്കളെ നഷ്ടമായിട്ടുണ്ട്. ഇപ്പോൾ എല്ലാവർക്കും പെട്ടന്ന് മറുപടി വേണം. വാട്ട്‌സ് ആപ്പിൽ എന്നെ ഓൺലൈനിൽ കാണുമ്പോൾ തുടർച്ചയായി വിളിക്കുകയും സന്ദേശം ചെയ്യുകയും ചെയ്യുന്നവരുമുണ്ട്. എനിക്ക് അതെല്ലാം ശല്യമായി തോന്നാറുണ്ട്.