ഡൽഹി: കമ്പനിയുടെ ചരിത്രത്തിലെ ഏറ്റവും വലിയ ഹോളിഡേ ഷോപ്പിങ് സീസണുമായി ആമസോൺ.ബ്ലാക്ക് ഫ്രൈഡേ മുതൽ സൈബർ മൺഡേ വരെയുള്ള ലോകവ്യാപക വിൽപനയിൽ 4.8 ബില്യൺ ഡോളർ (ഏകദേശം 35383.58 കോടി രൂപ) കവിഞ്ഞുവെന്ന് കമ്പനി അറിയിച്ചു.കഴിഞ്ഞ വർഷത്തെ അപേക്ഷിച്ച് 60 ശതമാനത്തിലധികം വർധനയാണിത് കാണിക്കുന്നത്.

കമ്പനിയുടെ ചരിത്രത്തിലെ ഏറ്റവും വലിയ ഹോളിഡേ ഷോപ്പിങ് സീസൺ വിൽപനയാണ് സൈബർ മൺഡേയിൽ നടന്നത്. ആമസോൺ വഴിയുള്ള സ്വതന്ത്ര ബിസിനസുകളിലൂടെ ലോകമെമ്പാടും 2.2 ദശലക്ഷം തൊഴിലവസരങ്ങൾ സൃഷ്ടിച്ചതായി കമ്പനി അറിയിച്ചു. എന്നാൽ ഒരു വർഷത്തെ കണക്കുകൾ ആമസോൺ വെളിപ്പെടുത്തിയിട്ടില്ല.

ലോകമെമ്പാടുമുള്ള 71,000-ത്തിലധികം ചെറുകിട, ഇടത്തരം ബിസിനസുകൾക്ക് ഈ അവധിക്കാലത്ത് ഇന്നേവരെയുള്ള വിൽപനയിൽ ഒരു ലക്ഷം ഡോളർ വരുമാനം നേടാനും കഴിഞ്ഞു.അമേരിക്കൻ എസ്എംബി- കൾ ഈ അവധിക്കാലത്ത് മിനിറ്റിൽ ശരാശരി 9,500 ഉൽപന്നങ്ങളാണ് വിറ്റിരുന്നത്.

കോവിഡിനെത്തുടർന്നുള്ള ലോക് ഡൗണാണ് ഇന്ത്യയിൽ ഓൺലൈൻ വിപണികൾക്ക് കൂടുതൽ സാധ്യത തുറന്നത്.

ആമസോൺഹോളിഡേ ഷോപ്പിങ്

മറുനാടന്‍ ഡെസ്‌ക്‌

    മറുനാടന്‍ ഡെസ്‌ക്‌