ഡാലസ്: ഡിസംബർ മൂന്നാം തീയതി ശനിയാഴ്ച സംഘടിപ്പിക്കുന്ന നൂറ്റിയൊമ്പതാമത് അമേരിക്കൻ മലയാളി സാഹിത്യ സല്ലാപം 'തെരഞ്ഞെടുപ്പിന് ശേഷം' എന്ന പേരിലായിരിക്കും നടത്തുക. അമേരിക്കൻ പ്രസിഡന്റു തെരഞ്ഞെടുപ്പിലെ കാണാ കാഴ്ചകളും തൊട്ടറിഞ്ഞവരുടെ വിശകലനങ്ങളും ചർച്ചകളും ഈ സല്ലാപത്തിൽ ഉണ്ടായിരിക്കുന്നതാണ്. മതവും ഭാഷയും സംസ്‌കാരവും രാഷ്ട്രീയത്തിൽ ഇടപെടുന്നതിന്റെ അനന്തരഫലങ്ങൾ പ്രത്യേകമായി പരിശോധിക്കുന്നതാണ്. സല്ലാപത്തിൽ പങ്കെടുക്കുവാനും അമേരിക്കയിലെ കലാ സാഹിത്യ സാംസ്‌കാരിക രാഷ്ട്രീയ മേഖലകളെക്കുറിച്ചുള്ള തങ്ങളുടെ അഭിപ്രായങ്ങൾ പങ്കുവയ്ക്കുവാനും താത്പര്യമുള്ള എല്ലാ നല്ല ആളുകളെയും സാഹിത്യ സല്ലാപത്തിലെയ്ക്ക് സ്വാഗതം ചെയ്യുന്നതായി ഭാരവാഹികൾ അറിയിച്ചു.


2016 നവംബർ അഞ്ചാം തീയതി ശനിയാഴ്ച സംഘടിപ്പിച്ച നൂറ്റിയെട്ടാമത് അമേരിക്കൻ മലയാളി സാഹിത്യ സല്ലാപം 'ഈ മനോഹര തീരത്ത്' എന്ന പേരിൽ ആയിരുന്നു. അമേരിക്കൻ മലയാളികളുടെ ഇടയിൽ സുപരിചിതനായ മനോഹർ തോമസ് ആയിരുന്നു ഈ സല്ലാപം നയിച്ചത്. അമേരിക്കയിലെ സാമൂഹിക സാംസ്കാരിക രംഗത്ത് വ്യക്തിമുദ്ര പതിപ്പിച്ച ആളാണ് മനോഹർ തോമസ്. ന്യൂയോർക്കിലെ സര്ഗ്ഗവേദിയുടെ അമരക്കാരനെന്നതിനു പുറമെ ഒരു നടനും സംവിധായകനും സംഘാടകനും കൂടിയാണദ്ദേഹം. ധാരാളം ആളുകൾക്ക് ഈ സല്ലാപത്തിൽ പങ്കെടുക്കുവാനും മനോഹർ തോമസിനോടൊപ്പം അമേരിക്കയിലെ കലാ സാഹിത്യ സാംസ്‌കാരിക രാഷ്ട്രീയ മേഖലകളെക്കുറിച്ചുള്ള തങ്ങളുടെ അഭിപ്രായങ്ങൾ പങ്കുവയ്ക്കുവാനും ഇടയായി. ചോദ്യോത്തരവേളയും സജീവവും വിജ്ഞാനപ്രദവുമായിരുന്നു.

ആധുനിക കവിതകളിലൂടെ സുപ്രസിദ്ധനായ മലയാള കവി ചെറിയാൻ കെ. ചെറിയാന് ജന്മദിന മംഗളാശംസകൾ അർപ്പിക്കുന്നതിനും ഡോ: എൻ. പി. ഷീലയുടെ ഭർത്താവ് അന്തരിച്ച അഡ്വ. അർനോൾഡ് ഏലിയാസറിന് അന്ത്യോപചാരം അർപ്പിക്കുന്നതിനും ഈ സാഹിത്യ സല്ലപത്തിൽ വേദിയൊരുക്കുകയുണ്ടായി.

മലയാള കവി ചെറിയാൻ കെ. ചെറിയാൻ, മാത്യു നെല്ലിക്കുന്ന്, പി. റ്റി. പൗലോസ്, ഡോ: രാജൻ മാർക്കോസ്, ഡോ: എൻ. പി. ഷീല, ഡോ: ജയിസ് ജേക്കബ്, മാർട്ടിൻജോസഫ്, എബ്രഹാം മാത്യു, നെബു കുര്യാക്കോസ്, അലക്‌സ് കോശി വിളനിലം, അബ്ദുൾ പുന്നയൂർക്കുളം, മാത്യു സ്റ്റീഫൻ, വർഗീസ് സ്‌കറിയ, തോമസ് ഫിലിപ്പ്, മോളി ആൻഡ്രൂസ്, മോൻസി മാത്യു, കുരുവിള ജോർജ്ജ്, യു. എ. നസീർ, ജോർജ്ജ് വർഗീസ്, ജേക്കബ് തോമസ്, വർഗീസ് എബ്രഹാം, പി. പി. ചെറിയാൻ, ജയിൻ മുണ്ടയ്ക്കൽ എന്നിവർ സല്ലാപത്തിൽ സജീവമായി പങ്കെടുത്തു. അമേരിക്കയിലെ വിവിധ ഭാഗങ്ങളിൽ നിന്നായി ധാരാളം ശ്രോതാക്കളും ഉണ്ടായിരുന്നു.

സാഹിത്യ സല്ലാപത്തിൽ പങ്കെടുക്കുവാൻ അന്നേദിവസം രാവിലെ പത്തു മുതൽ പന്ത്രണ്ട് വരെ (ഈസ്റ്റേൺ സമയം) നിങ്ങളുടെ ടെലിഫോണിൽ നിന്നും താഴെ കൊടുത്തിരിക്കുന്ന ടെലിഫോൺ നമ്പരിലേയ്ക്ക് വിളിക്കാവുന്നതാണ് .....

1-857-232-0476 കോഡ് 365923

ടെലിഫോൺ ചർച്ചയിൽ പങ്കെടുക്കുന്ന എല്ലാവർക്കും ചോദ്യങ്ങൾ ചോദിക്കാൻ അവസരം ഉണ്ടായിരിക്കും. jain@mundackal.com , internationalmalayalam@gmail.com എന്ന ഇ-മെയിൽ വിലാസങ്ങളിൽ ചർച്ചയിൽ അവതരിപ്പിക്കാൻ താത്പര്യമുള്ള വിഷയങ്ങളും ചോദ്യങ്ങളും മുൻകൂറായി അയച്ചു കൊടുക്കാവുന്നതാണ്. കൂടുതൽ വിവരങ്ങൾക്ക് ബന്ധപ്പെടുക: 813-389-3395 / 469-620-3269