വെൽ..ഞാൻ ഇപ്പോഴും പറയുന്നു ഒരു 'എഐ' ശബ്ദത്തിനും എന്നെ തോൽപ്പിക്കാൻ കഴിയില്ല; അതുപോലെ എന്നെ സ്വാന്ത്യനിപ്പിച്ച എല്ലാവർക്കും ബിഗ് താങ്ക്സ്..!!; ഒരു കണ്ണടയും വച്ച് കടുംനീല ഷർട്ടിട്ട് വീണ്ടും 'വേനൽ മഴ' സ്റ്റാറിന്റെ എൻട്രി; നിങ്ങൾ കണ്ടതും കേട്ടതുമെല്ലാം സത്യമല്ലെന്ന് അണ്ണന്റെ തുറന്നുപറച്ചിൽ; ഭയങ്കരം തന്നെയെന്ന് കമെന്റുകൾ
നടൻ അജ്മൽ അമീറിനെതിരെ ഉയർന്നുവന്ന ലൈംഗിക ആരോപണങ്ങൾ നിഷേധിച്ച് താരം തന്നെ രംഗത്തെത്തി. രണ്ട് ദിവസം മുൻപ് തൻ്റേതെന്ന പേരിൽ പ്രചരിച്ച വാട്ട്‌സ്ആപ്പ് കോളുകൾ വ്യാജമാണെന്നും, അതിലെ ശബ്ദം നിർമ്മിത ബുദ്ധി (AI) ഉപയോഗിച്ച് ഉണ്ടാക്കിയതാണെന്നും അദ്ദേഹം വിശദീകരിച്ചു. ഇത്തരം അപവാദ പ്രചാരണങ്ങൾ കൊണ്ട് തന്നെ തകർക്കാനാകില്ലെന്നും അദ്ദേഹം കൂട്ടിച്ചേർത്തു.
സമൂഹമാധ്യമങ്ങളിൽ തൻ്റെ പേരിൽ പുറത്തുവന്ന സംഭാഷണങ്ങൾ നിർമ്മിത ബുദ്ധി (AI) ഉപയോഗിച്ച് നിർമ്മിച്ചതാണെന്ന് അജ്മൽ അമീർ വീഡിയോയിലൂടെ വ്യക്തമാക്കി. തനിക്കെതിരെ ഇത്തരം വ്യാജ കഥകളും ശബ്ദരേഖകളും പ്രചരിപ്പിച്ച് തൻ്റെ കരിയറിനെയും വ്യക്തി ജീവിതത്തെയും തകർക്കാൻ സാധിക്കില്ലെന്ന് അദ്ദേഹം ഉറപ്പിച്ചു പറഞ്ഞു. ഇതിലും വലിയ ആരോപണങ്ങളെ അതിജീവിച്ച് മുന്നോട്ട് പോയ ചരിത്രമുണ്ടെന്നും, അപ്പോഴെല്ലാം ദൈവാനുഗ്രഹം തന്നോടൊപ്പം ഉണ്ടായിരുന്നെന്നും അദ്ദേഹം ഓർമ്മിപ്പിച്ചു.
നടൻ അജ്മല്‍ അമീറിന്‍റെ വാക്കുകള്‍...
വ്യാജമായി ഉണ്ടാക്കിയ ഒരു കഥയും എഐ ഉപയോഗിച്ചുണ്ടാക്കിയ ഒരു വോയിസ് ഇമിറ്റേറ്റിങ്ങിനുമൊന്നും എന്നെയും എന്റെ കരിയറിനെയും തകര്‍ക്കാന്‍ കഴിയില്ല. ഇതിലും വലിയ ആരോപണങ്ങളുണ്ടായിട്ടും അത് തെറ്റെന്ന് തെളിച്ച് സര്‍വശക്തന്‍റെ മാത്രം അനുഗ്രഹം കൊണ്ട് മുന്നോട്ട് പോകുന്ന വ്യക്തിയാണ് ഞാന്‍.
കൃത്യമായി ഒരു മാനേജറോ ഒരു പി.ആര്‍ ടീമോ എനിക്കില്ല. പണ്ട് എപ്പോഴോ എന്റെ ഫാന്‍സുകാര്‍ തുടങ്ങി തന്ന സോഷ്യല്‍മീഡിയ പ്രൊഫൈലാണ് ഇപ്പോഴും ഉപയോഗിക്കുന്നത്. പക്ഷേ ഇന്നുമുതല്‍ എല്ലാ കണ്ടന്‍റുകളും എല്ലാ കാര്യങ്ങളും ഞാന്‍ മാത്രമായിരിക്കും നോക്കുന്നത്.
രണ്ട് ദിവസം മുന്‍പ് വളരെ മോശമായിട്ട് എന്നെക്കുറിച്ച് ഒരു വാര്‍ത്ത പുറത്തുവന്നു. എന്നെ സോഷ്യല്‍മീഡിയയില്‍ സപ്പോര്‍ട്ട് ചെയ്ത എല്ലാവര്‍ക്കും നന്ദിയും സ്നോഹവും അറിയിക്കുന്നു. എന്നെ അപമാനിക്കാന്‍ ഒരുപാട് പോസ്റ്റുകളിട്ട സോഷ്യല്‍ മീഡിയ ഉപഭോക്താക്കള്‍ക്ക് സമൂഹത്തോടുള്ള കരുതലും സ്നേഹവും കണ്ടിട്ട് എനിക്ക് ബഹുമാനം തോന്നുന്നു.
എന്നെ ഏറ്റവും അല്‍ഭുതപ്പെടുത്തിയത് ഒരുപാട് തെറിവിളികള്‍ക്കും മുകളില്‍ എന്നെ സ്വാന്ത്യനിപ്പിച്ചുകൊണ്ട് ആശ്വസിപ്പിച്ചുകൊണ്ട് വരുന്ന മെസേജുകളും കോളുകളും തന്ന ശക്തിയാണ് ഞാന്‍ ഇന്ന് നിങ്ങള്‍ക്ക് മുന്നില്‍ ഇരിക്കാനുള്ള കാരണം. എനിക്ക് മുന്നോട്ട് പോകാനുള്ള ശക്തി നിങ്ങളാണ്. എന്നെ സപ്പോര്‍ട്ട് ചെയ്ത എല്ലാവര്‍ക്കും ഒരായിരം നന്ദി.
2007-ൽ പുറത്തിറങ്ങിയ 'പ്രണയകാലം' എന്ന ചിത്രത്തിലൂടെയാണ് അജ്മൽ അമീർ മലയാള സിനിമയിൽ അരങ്ങേറ്റം കുറിച്ചത്. ചിത്രത്തിലെ 'ഒരു വേനൽ പുഴയിൽ' എന്ന ഗാനം ഏറെ ശ്രദ്ധിക്കപ്പെട്ടിരുന്നു.
'എൻ്റെ കാസറ്റ്' എന്ന ഇൻസ്റ്റാഗ്രാം പേജിലൂടെയാണ് ഈ വിഷയവുമായി ബന്ധപ്പെട്ട സംഭാഷണങ്ങളുടെ വീഡിയോ പുറത്തുവന്നിരിക്കുന്നത്. ഈ വീഡിയോയിൽ അജ്മലിൻ്റേതെന്ന വ്യാജേനയുള്ള സംഭാഷണങ്ങളും അദ്ദേഹത്തിൻ്റെ മുഖവും കാണിക്കുന്നുണ്ട്. പെൺകുട്ടി തൻ്റെ വിവാഹിതയാണോ എന്ന് ചോദിക്കുന്നതിലൂടെയാണ് സംഭാഷണങ്ങൾ മുന്നോട്ട് പോകുന്നത്.