വേറിട്ട പ്രമേയവുമായി 'എന്ന് സ്വന്തം പുണ്യാളൻ'; അർജുൻ അശോകനൊപ്പം ബാലു വർഗീസും; അനശ്വര രാജൻ നായികയാവുന്ന ചിത്രത്തിന് ക്ലീൻ 'യു' സർട്ടിഫിക്കറ്റ്; ചിത്രം ഉടൻ തീയേറ്ററുകളിലേക്ക്

കൊച്ചി: വ്യത്യസ്ത പ്രമേയവുമായി പ്രേക്ഷകർക്ക് മുന്നിലെത്താൻ ഒരുങ്ങുകയാണ് 'എന്ന് സ്വന്തം പുണ്യാളൻ'. അർജുൻ അശോകൻ, ബാലു വർഗീസ്, അനശ്വര രാജൻ എന്നിവരെ കേന്ദ്ര കഥാപാത്രങ്ങളാക്കി മഹേഷ് മധുവാണ് ചിത്രം സംവിധാനം ചെയ്‌തിരിക്കുന്നത്‌. മാജിക് ഫ്രെയിംസിൻ്റെ ബാനറിൽ ലിസ്റ്റിൻ സ്റ്റീഫൻ കേരളത്തിൽ വിതരണം ചെയ്യുന്ന ഏറ്റവും പുതിയ ചിത്രം കൂടിയാണിത്. ഇപ്പോഴിതാ ചിത്രത്തിന്റെ പുതിയ അപ്‌ഡേറ്റുകളാണ് പുറത്ത് വരുന്നത്. ചിത്രത്തിൻ്റെ സെൻസറിങ് പൂർത്തിയായി. ക്ലീൻ 'യു' സർട്ടിഫിക്കറ്റ് ആണ് 2 മണിക്കൂർ 9 മിനിറ്റ് ദൈർഘ്യമുള്ള ചിത്രത്തിന് ലഭിച്ചിരിക്കുന്നത്. മാജിക് ഫ്രെയിംസിൻ്റെ ബാനറിൽ ലിസ്റ്റിൻ സ്റ്റീഫൻ കേരളത്തിൽ വിതരണം ചെയ്യുന്ന ചിത്രം 2025 ജനുവരി 10 നാണു റിലീസ് ചെയ്യുന്നത്.

ട്രൂത്ത് സീക്കേഴ്സ് പ്രൊഡക്ഷൻ ഹൗസിന്റെ ബാനറിൽ ലിഗോ ജോൺ ആണ് എന്ന് സ്വന്തം പുണ്യാളന്റെ നിർമ്മാണം നിർവഹിക്കുന്നത്. മലയാളത്തിലും തമിഴിലും ചിത്രം പ്രദർശനത്തിന് എത്തുമെന്നാണ് റിപ്പോർട്ട്. ചിത്രത്തിന്റെ കഥയും തിരക്കഥയും ഒരുക്കിയത് സാംജി എം ആന്റണി. രണ്‍ജി പണിക്കർ, ബൈജു, അൽത്താഫ്, അഷ്‌റഫ്, മീന രാജ് പള്ളുരുത്തി, വിനീത് വിശ്വം, സിനോജ് വർഗീസ്, സുർജിത് എന്നിവരാണ് ചിത്രത്തിലെ മറ്റ് പ്രധാന താരങ്ങൾ. റെണദീവ് ഛായാഗ്രഹണം ചിത്രത്തിൽ എഡിറ്റിംഗ് സോബിൻ സോമനാണ്. സാം സി എസ് ആണ് ചിത്രത്തിന്റെ സംഗീത സംവിധായകൻ.

എക്സിക്യൂട്ടീവ് പ്രൊഡ്യൂസർ ജോഷി തോമസ് പള്ളിക്കൽ, പ്രൊഡക്ഷൻ കൺട്രോളർ സുരേഷ് മിത്രാകരി, പ്രൊഡക്ഷൻ അസോസിയേറ്റ് ജുബിൻ അലക്‌സാണ്ടർ, സെബിൻ ജരകാടൻ, മാത്യൂസ് പി ജോസഫ്, പ്രൊഡക്ഷൻ ഡിസൈനർ അനീസ് നാടോടി, ചീഫ് അസോസിയേറ്റ് ഡയറക്ടർ സുനിൽ കാര്യാട്ടുകര, വസ്ത്രാലങ്കാരം ധന്യ ബാലകൃഷ്ണൻ, ആർട്ട് ഡയറക്ടർ അപ്പു മാരായി, സൗണ്ട് ഡിസൈൻ അരുൺ എസ് മണി.

സൗണ്ട് മിക്സിംഗ് കണ്ണൻ ഗണപത്, കാസ്റ്റിങ് ഡയറക്റ്റർ വിമൽ രാജ് എസ്, വി എഫ് എക്സ് ഡിജിബ്രിക്ക്സ്, ലിറിക്‌സ് വിനായക് ശശികുമാർ, കളറിസ്റ്റ് രമേഷ് സി പി, ആക്ഷൻ ഡയറക്ടർ ഫീനിക്സ് പ്രഭു, മേക്കപ്പ് ജയൻ പൂങ്കുളം, അസോസിയേറ്റ് ഡയറക്ടർ സാൻവിൻ സന്തോഷ്, ഫിനാൻസ് കൺട്രോളർ ആശിഷ് കെ എസ്, സ്റ്റിൽസ് ജെഫിൻ ബിജോയ്, പബ്ലിസിറ്റി ഡിസൈൻസ് യെല്ലോ ടൂത്ത്, ഡിസൈൻ സീറോ ഉണ്ണി, മാർക്കറ്റിംഗ് കൺസൾട്ടന്റ് അനന്തകൃഷ്ണൻ പി ആർ, പിആർഒ ശബരി.