'ബേബിയെ എടുക്കാൻ എനിക്ക് ഭയങ്കര ഇഷ്ടമാണ്; ചേച്ചിയില്ലാത്ത സമയത്ത് ഞാൻ നോക്കും; കുഞ്ഞിനെ നോക്കാൻ ഇവിടെ കുറെ പേരുണ്ടല്ലോ..'; മനസ്സ് തുറന്ന് ഇഷാനി കൃഷ്ണ
കൊച്ചി: ഇൻഫ്ലുവൻസറും സംരംഭകയുമായ ദിയ കൃഷ്ണയുടെ മകൻ നിയോമിനെ (ഓമി) ഏറ്റവുമധികം ഓമനിക്കുന്നതും കയ്യിലെടുത്ത് കൊണ്ടുനടക്കുന്നതും സഹോദരി അഹാനയാണെന്ന് ദിയയുടെ സഹോദരി ഇഷാനി കൃഷ്ണ. നിയോമിനെ എടുക്കാൻ തങ്ങൾക്ക് വലിയ ഇഷ്ടമാണെങ്കിലും, അഹാന ഇല്ലാത്ത സമയങ്ങളിൽ മാത്രമേ മാക്സിമം എടുക്കാൻ സാധിക്കാറുള്ളൂ എന്നും ഇഷാനി പറഞ്ഞു. ഓൺലൈൻ മാധ്യമങ്ങളോട് പ്രതികരിക്കുകയായിരുന്നു ഇഷാനി.
"കുഞ്ഞിനെ എല്ലാവരും മാറി മാറി എടുക്കും. ഞങ്ങളൊരുപാട് പേരുണ്ടല്ലോ. അഹാനയാണ് കൂടുതലും ബേബിയെ എടുത്ത് നടക്കുന്നത്. ഞങ്ങൾ കുഞ്ഞിനെ വേണമെന്ന് പറഞ്ഞ് ചോദിക്കുമ്പോൾ കിട്ടിയാൽ കിട്ടി, അല്ലെങ്കിൽ തരില്ല," ഇഷാനി കൂട്ടിച്ചേർത്തു. "എനിക്ക് ഭയങ്കര ഇഷ്ടമാണ് ഓമിയെ എടുക്കാൻ. പക്ഷേ, അഹാന ഇല്ലാത്ത സമയം നോക്കിയാണ് ഞങ്ങൾ മാക്സിമം എടുക്കുന്നത്. അഹാനയുണ്ടെങ്കിൽ എപ്പോഴും ബേബിയുടെ കൂടെത്തന്നെയായിരിക്കും."
നേരത്തെ, മകൻ നിയോമിനെ ഏറ്റവും കൂടുതൽ ശ്രദ്ധിക്കുന്നത് ആരാണെന്ന ചോദ്യത്തിന് ദിയ കൃഷ്ണ നൽകിയ മറുപടിയിലും അഹാനയുടെ പേരായിരുന്നു ആദ്യം പറഞ്ഞിരുന്നത്. "അഹാനയ്ക്കും ഇഷാനിക്കും ഹൻസികയ്ക്കും ഓമിയെ എടുക്കാനും അവന്റെ കൂടെയിരിക്കാനും വലിയ ഇഷ്ടമാണ്. ഞാൻ ഒന്ന് എടുത്തോട്ടെ എന്ന് എല്ലാവരും വന്ന് ചോദിക്കും.
കൂടുതൽ കെയർ ചെയ്യുന്നത് ചിലപ്പോൾ അഹാനയായിരിക്കും. കാരണം അഹാന എന്നേക്കാൾ മൂത്തതാണ്, അതിനനുസരിച്ചുള്ള പക്വതയുമുണ്ട്. അവനെ കുളിപ്പിക്കുന്നത് കാണണം, അവന്റെ ഫോട്ടോ എടുക്കണം എന്നൊക്കെ ഇടയ്ക്കിടെ പറയും. ബാക്കിയുള്ള രണ്ടുപേർക്കും കെയറിങ്ങിനേക്കാൾ കൂടുതൽ എക്സൈറ്റ്മെന്റാണ്. അവർ എന്നെക്കാൾ ഇളയതായതുകൊണ്ടാവാം," ദിയ പറഞ്ഞിരുന്നു.