വയറ്റിൽ കുഞ്ഞ് കിടക്കുമ്പോൾ അവൾ കേസിൽ രണ്ടാം പ്രതി; ഒരുപാട് വിഷമിച്ചു; ഇനി എന്ത് ചെയ്യാന് പറ്റുമെന്ന് വരെ ചിന്തിച്ച ദിനങ്ങൾ; മകളുടെ വേദന പറഞ്ഞ് കൃഷ്ണകുമാർ
നടൻ കൃഷ്ണകുമാറിന്റെ മകൾ ദിയയുടെ ഉടമസ്ഥതയിലുള്ള കടയിൽ നിന്ന് ജീവനക്കാർ 69 ലക്ഷം രൂപ തട്ടിയെടുത്ത കേസുമായി ബന്ധപ്പെട്ട് ഗർഭിണിയായിരുന്ന ദിയയ്ക്ക് കടുത്ത മാനസിക സമ്മർദ്ദങ്ങളും ആരോഗ്യപ്രശ്നങ്ങളും നേരിടേണ്ടി വന്നതായി കൃഷ്ണകുമാർ വെളിപ്പെടുത്തി. ജീവനക്കാർ തിരികെ കേസ് നൽകിയതിനെ തുടർന്ന് ദിയയ്ക്ക് കേസിലെ രണ്ടാം പ്രതിയാകേണ്ടി വന്നുവെന്നും പലതവണ ആശുപത്രിയിൽ പ്രവേശിപ്പിക്കപ്പെട്ടുവെന്നും അദ്ദേഹം പറഞ്ഞു.
സോഷ്യൽ മീഡിയയിൽ ഏറെ പരിചിതമായ കൃഷ്ണകുമാർ കുടുംബവുമായി ബന്ധപ്പെട്ട് അടുത്തിടെയാണ് ഈ തട്ടിപ്പ് വാർത്ത പുറത്തുവന്നത്. ദിയ ഏറ്റവും വിശ്വസിച്ചിരുന്ന മൂന്ന് ജീവനക്കാരികളാണ് 69 ലക്ഷം രൂപ തട്ടിയെടുത്തത്. എന്നാൽ, തങ്ങൾ നിരപരാധികളാണെന്ന് വാദിച്ച് ഈ ജീവനക്കാർ കൃഷ്ണകുമാറിനും ദിയക്കുമെതിരെ തിരികെ കേസ് നൽകുകയായിരുന്നു. തുടർന്നുള്ള അന്വേഷണങ്ങളിൽ ജീവനക്കാരാണ് കുറ്റക്കാരെന്ന് തെളിയിക്കപ്പെടുകയും കൃഷ്ണകുമാറും ദിയയും നിരപരാധികളാണെന്ന് വ്യക്തമാവുകയും ചെയ്തു.
"പ്രസവിക്കാൻ 20 ദിവസം മാത്രം ബാക്കിയുള്ളപ്പോഴാണ് ഈ സംഭവങ്ങളെല്ലാം നടന്നത്. ദിയ വല്ലാതെ തകർന്നുപോയി. കേസിലെ രണ്ടാം പ്രതിയാകേണ്ടി വന്നതും, കടുത്ത വകുപ്പുകൾ ചുമത്തപ്പെട്ടതും അവളെ ഏറെ ഉലച്ചു," കൃഷ്ണകുമാർ പറഞ്ഞു.
"ദിയ ഏറ്റവും വിശ്വസിച്ച മൂന്ന് പെൺകുട്ടികളാണ് ഈ കൃത്യം ചെയ്തത്, എന്നിട്ടും അവർ ഞങ്ങൾക്കെതിരെ കേസ് നൽകി. ഇതെല്ലാം അവളെ തകർത്തു, പലതവണ ആശുപത്രിയിൽ പ്രവേശിപ്പിക്കേണ്ടിയും വന്നു." ഗർഭിണിയായിരുന്ന ദിയ അനുഭവിച്ച കടുത്ത മാനസിക സമ്മർദ്ദം വയറ്റിലുണ്ടായിരുന്ന കുഞ്ഞിനെ പ്രതികൂലമായി ബാധിച്ചിരിക്കാമെന്നും അദ്ദേഹം കൂട്ടിച്ചേർത്തു.