'പിച്ചയെടുക്കേണ്ടി വന്നാലും വടിവേലുവിനൊപ്പം അഭിനയിക്കില്ല'; വിവാദ പരാമര്‍ശവുമായി നടി സോന ഹെയ്ഡന്‍
'പിച്ചയെടുക്കേണ്ടി വന്നാലും വടിവേലുവിനൊപ്പം അഭിനയിക്കില്ല';
ചെന്നൈ: തമിഴ് സിനിമയിലെ പകരം വെക്കാനില്ലാത്ത പ്രതിഭയാണ് നടന്‍ വടിവേലും, കോമഡി കഥാപാത്രങ്ങളും ക്യാരക്ടര്‍ റോളുകളും ഒരുപോലെ അവതരിപ്പിക്കാന്‍ അദ്ദേഹത്തിന് കഴിവുണ്ട്. അടുത്തിടെ കോമഡികള്‍ക്ക് അപ്പുറത്തേക്ക് അദ്ദേഹം അഭനയപ്രതിഭയെ വളര്‍ത്തിയിട്ടുണ്ട്. എന്നാല്‍ വടിവേലുവിനൊപ്പം ഒരു തരത്തിലും അഭിനയിക്കാന്‍ താത്പര്യമില്ലെന്ന് പറയുകയാണ് നടി സോന ഹെയ്ഡന്‍.
പിച്ചയെടുക്കേണ്ടി വന്നാലും വടിവേലുവിനൊപ്പം അഭിനയിക്കില്ലെന്നാണ് നടി പറഞ്ഞത്. ഈ വിവാദ പരാമര്‍ശം സോഷ്യല്‍ മീഡിയയിലും തമിഴ് സിനിമ ലോകത്തും വലിയ ചര്‍ച്ചയാകുന്നുണ്ട്. സ്‌മോക്ക് എന്ന വെബ് സീരിസിന്റെ പ്രമോഷന്‍ ഭാഗമായി നടന്ന ഒരു അഭിമുഖത്തിലാണ് സോന വിവാദ പരാമര്‍ശനം നടത്തിയത്.
'ഒരു കോടി തരാമെന്ന് പറഞ്ഞാലും വടിവേലുവിനൊപ്പം അഭിനയിക്കില്ല. ഇനി പിച്ചയെടുക്കേണ്ടി വന്നാലും വടിവേലുവിനൊപ്പം അഭിനയിക്കില്ല,' എന്നാണ് ഒരു യൂട്യൂബ് ചാനലിന് നല്‍കിയ അഭിമുഖത്തില്‍ സോന പറഞ്ഞത്. രജിനികാന്ത് ചിത്രം കുസേലനില്‍ സോന വടിവേലുവിനൊപ്പം അഭിനയിച്ചിരുന്നു. ഇതിനുശേഷം പതിനാറോളം ചിത്രങ്ങളില്‍ വടിവേലുവിനൊപ്പം അഭിനയിക്കാന്‍ അവസരം ലഭിച്ചുവെന്നും എന്നാല്‍ എല്ലാം താന്‍ നിരസിച്ചുവെന്നും സോന കൂട്ടിച്ചേര്‍ത്തു. എന്താണ് സോനാ ഇത്തരം ഒരു പരാമര്‍ശം നടത്താന്‍ കാരണം എന്ന വ്യക്തമല്ല.
ഒരു ഇടവേളക്ക് ശേഷമാണ് സോന വീണ്ടും അഭിനയരംഗത്തേക്ക് തിരികെയെത്തുന്നത്. സ്‌മോക്ക് എന്ന വെബ് സീരീസ് സോന തന്നെയാണ് എഴുതി സംവിധാനം ചെയ്യുന്നത്. അജിത് ചിത്രം പൂവെല്ലാം ഉന്‍ വാസം എന്ന ചിത്രത്തിലൂടെ സിനിമ ലോകത്തെത്തിയ സോന പിന്നീട് വിവിധ തെന്നിന്ത്യന്‍ സിനിമകളില്‍ അഭിനയിച്ചു.
