'മായാമോഹിനി പോലെയുള്ള ഫീമെയില്‍ വേര്‍ഷന്‍ കഥാപാത്രം ചെയ്യും, പക്ഷേ ഒരു കണ്ടീഷനുണ്ട്: ടൊവിനോ തോമസ് പറയുന്നു
'മായാമോഹിനി പോലെയുള്ള ഫീമെയില്‍ വേര്‍ഷന്‍ കഥാപാത്രം ചെയ്യും,
കൊച്ചി: മലയാളം നടന്‍മാരില്‍ ചുരുങ്ങിയ സമയം കൊണ്ട് മുന്‍നിരയിലെത്തിയ വ്യക്തിത്വമാണ് ടൊവിനോ തോമസ്. സൂപ്പര്‍ഹീറോ വേഷം പോലും ചെയ്ത് അദ്ദേഹം മികവു പ്രകടിപ്പിച്ചിട്ടുണ്ട്. ഇപ്പോഴിതാ മായാ മോഹിനി പോലെയുള്ള ഫീമെയില്‍ വെര്‍ഷന്‍ കഥാപാത്രം ചെയ്യുവാന്‍ താന്‍ തയ്യാറാണെന്ന് പറയുകയാണ് ടൊവിനോ. എല്ലാ മനുഷ്യരിലും ഫെമിനിനും മസ്‌കുലിനുമായ ഫീച്ചേഴ്‌സ് ഉണ്ടാകുമെന്നും ടൊവിനോ പറഞ്ഞു.
'മായാമോഹിനി പോലെയുള്ള ഫീമെയില്‍ വേര്‍ഷന്‍ കഥാപാത്രം ചെയ്യുമോയെന്ന് ചോദിച്ചാല്‍ വളരെ എക്‌സൈറ്റിങ്ങായ സ്‌ക്രിപ്റ്റാണെങ്കില്‍ ചെയ്‌തേക്കാം. ഞാന്‍ അത്തരം ഒരു ഫീമെയില്‍ വേഷം ചെയ്യണമെന്ന് ഡിമാന്‍ഡ് ചെയ്യപ്പെടുന്ന സിനിമ ആണെങ്കില്‍ ഓക്കെയാണ്. ഞാന്‍ ചെയ്താല്‍ നന്നാകുമെന്ന് ഉറപ്പുള്ള കഥാപാത്രം കൂടെയാകണം. അങ്ങനെയെങ്കില്‍ ഞാന്‍ സന്തോഷത്തോടെ ചെയ്യും. പക്ഷെ അതിന് ഞാന്‍ ഫിസിക്കലി കുറച്ച് മാറ്റങ്ങള്‍ വരുത്തണം. ഷോള്‍ഡറിന്റെ വീതി കുറക്കേണ്ടി വരും. അല്ലെങ്കില്‍ ആ കഥാപാത്രം നന്നായി തോന്നില്ല.
എല്ലാ മനുഷ്യരിലും ഫെമിനിനും മസ്‌കുലിനുമായ ഫീച്ചേഴ്‌സ് ഉണ്ടാകും. അതായത് ആണുങ്ങളില്‍ ഫെമിനിന്‍ ഫീച്ചേഴ്സും സ്ത്രീകളില്‍ മസ്‌കുലിന്‍ ഫീച്ചേഴ്സും ഉണ്ടാകും. ചെറിയ വേരിയേഷനിലാകും ഉണ്ടാകുക. ഞാന്‍ എന്നെത്തന്നെ ഒബ്സേര്‍വ് ചെയ്യുന്ന സമയത്ത് എനിക്ക് മസ്‌കുലിന്‍ ആയ ഫീച്ചേഴ്സും ഫെമിനിനായ ഫീച്ചേഴ്സും ഉള്ളതായി തോന്നിയിട്ടുണ്ട്, ' ടൊവിനോ തോമസ് പറഞ്ഞു. ഐഡെന്റിറ്റിയാണ് ടൊവിനോയുടെ അടുത്തതായി പുറത്തിറങ്ങാനുള്ള ചിത്രം.