യുഎസ് ഡോളർ നിരക്കുകളിലെ ഇടിവ്; സംസ്ഥാനത്ത് സ്വർണവില വീണ്ടും കുത്തനെ ഉയർന്നു; പവന് 520 രൂപയുടെ വർധനവ്; വെള്ളിയുടെ വിലയിലും മാറ്റം

തിരുവനന്തപുരം: സംസ്ഥാനത്ത് ഇന്ന് (2025 ഡിസംബർ 3) സ്വർണവില കുത്തനെ ഉയർന്നു. ഇന്നലെ രണ്ട് തവണയായി വില കുറഞ്ഞ ശേഷം ഇന്ന് സ്വർണവിലയിൽ വലിയ വർധനവാണ് രേഖപ്പെടുത്തിയത്. ഇന്ന് ഒരു പവന് 520 രൂപയാണ് വർധിച്ചത്.

ഇതോടെ, ഒരു പവൻ (8 ഗ്രാം) 22 കാരറ്റ് സ്വർണത്തിന്റെ വിപണി വില 95,760 രൂപയായി. ഒരു ഗ്രാം 22 കാരറ്റ് സ്വർണത്തിന്റെ വില 11,970 രൂപയാണ്. ഒരു ഗ്രാം 18 കാരറ്റ് സ്വർണത്തിന്റെ വില 9,845 രൂപയിലെത്തി.

സ്വർണവിലയിലെ ഈ കുതിച്ചുചാട്ടത്തിന് കാരണം യുഎസ് ഡോളർ നിരക്കുകളിലെ ഇടിവും ട്രംപ് ഭരണകൂടം മൂലമുണ്ടായ രാഷ്ട്രീയ അനിശ്ചിതത്വവുമാണെന്ന് വിദഗ്ധർ അഭിപ്രായപ്പെട്ടു. ഇതിന് പുറമെ, വെള്ളിയുടെ വിലയും കുത്തനെ ഉയർന്നു. ഇന്ന് ഒരു ഗ്രാം വെള്ളിയുടെ വില 185 രൂപയായി.

ഏറ്റവും കുറഞ്ഞ പണിക്കൂലിയും (5%), ജിഎസ്ടിയും (3%), ഹാൾമാർക്കിങ് ചാർജും ചേർത്താൽ ഒരു പവൻ സ്വർണാഭരണം വാങ്ങാൻ ഉപഭോക്താക്കൾക്ക് ഇന്ന് ഒരു ലക്ഷം രൂപയോടടുത്ത് നൽകേണ്ടിവരും.