മതപരിവര്‍ത്തനത്തിലൂടെ പത്തനംതിട്ടക്കാരിയെ വിവാഹം ചെയ്ത് വെമ്പായത്തുകാരന്‍; യുവതിയുടെ ആദ്യ വിവാഹത്തിലെ മകനെ യുകെയില്‍ എത്തിച്ച് ഐസിസില്‍ ചേരാന്‍ പ്രേരിപ്പിച്ചു; ആറ്റിങ്ങലിലെ മതപഠനശാലയുടെ ഇടപെടല്‍ നിര്‍ണ്ണായകമായി; അമ്മയുടെ ബന്ധുക്കളെത്തിയപ്പോള്‍ അറിഞ്ഞത് ഐസിസ് ബന്ധം; വെഞ്ഞാറമൂട് യുഎപിഎ കേസ്; വസ്തുത തെളിയാന്‍ കരുതലോടെ അന്വേഷണത്തിന് പോലീസ്
തിരുവനന്തപുരം: തിരുവനന്തപുരത്ത് പതിനാറുകാരനെ ഐസിസില്‍ ചേരാന്‍ പ്രേരിപ്പിച്ചുവെന്ന് ആരോപണം. അമ്മയ്ക്കും രണ്ടാനച്ഛനുമെതിരെ യുഎപിഎ ചുമത്തി കേസ്. തിരുവനന്തപുരം വെഞ്ഞാറമ്മൂട് പൊലീസ് സ്റ്റേഷന്‍ പരിധിയില്‍ലാണ് സംഭവം വെമ്പായം സ്വദേശിയായ യുവാവ് പത്തനംതിട്ട സ്വദേശിയായ യുവതിയെ വിവാഹം കഴിച്ചു മതപരിവര്‍ത്തനം നടത്തിയിരുന്നു. കേസിനോട് പ്രതികരിക്കാന്‍ പോലും പോലീസ് തയ്യാറാകുന്നില്ല. 24 ന്യൂസാണ് ഈ വാര്‍ത്ത റിപ്പോര്‍ട്ട് ചെയ്തതത്.
പിന്നാലെ യുവതിയുടെ ആദ്യ വിവാഹത്തിലെ മകനെ ഐസിസില്‍ ചേരാന്‍ പ്രേരിപ്പിയ്ക്കുകയായിരുന്നു. കുട്ടിയുടെ അമ്മയും രണ്ടാനച്ഛനും യു.കെയില്‍ താമസിച്ചു വരികയായിരുന്നു. കുട്ടി യു.കെയിലെത്തിയപ്പോള്‍ വീഡിയോ ദൃശ്യങ്ങള്‍ ഉള്‍പ്പടെ കാട്ടി സ്വാധീനിക്കാന്‍ ശ്രമിച്ചു. തിരികെ ദമ്പതികള്‍ നാട്ടിലെത്തി കുട്ടിയെ ആറ്റിങ്ങല്‍ പരിധിയിലുള്ള മതപഠന ശാലയിലാക്കി. കുട്ടിയുടെ സ്വഭാവത്തിലെ മാറ്റം കണ്ടു മതപഠന ശാല അധികൃതര്‍ അമ്മയുടെ വീട്ടില്‍ വിവരമറിയിച്ചു. ഇതോടെ കുട്ടിയുടെ അമ്മയുടെ ബന്ധുക്കള്‍ പൊലീസിനെ സമീപിക്കുകയായിരുന്നു. ആറ്റിങ്ങല്‍ ഡിവൈഎസ്പി യുടെ നേതൃത്തിലാണ് കേസ് അന്വേഷണം. അതീവ രഹസ്യമായാണ് നടപടികളുമായി മുമ്പോട്ട് പോകുന്നത്.