ആരോഗ്യവകുപ്പിന്റെ ഹൃദയസ്തംഭന പ്രഥമ ശുശ്രൂഷാ പരിശീലന ബോധവല്‍ക്കരണ ക്യാമ്പയിന്‍ ഹൃദയപൂര്‍വം: ആദ്യദിനം പരിശീലനം നേടിയത് 15,616 പേര്‍

തിരുവനന്തപുരം: സംസ്ഥാന ആരോഗ്യവകുപ്പിന്റെ ഹൃദയസ്തംഭന പ്രഥമ ശുശ്രൂഷാ പരിശീലന ബോധവല്‍ക്കരണ ക്യാമ്പയിന്‍ 'ഹൃദയപൂര്‍വ' ത്തിന്റെ ഭാഗമായി 15,616 പേര്‍ക്ക് പരിശീലനം നല്‍കിയതായി മന്ത്രി വീണാ ജോര്‍ജ്. എല്ലാ ജില്ലകളിലുമായി ഇരുനൂറിലേറെ കേന്ദ്രങ്ങളിലായിരുന്നു പരിശീലനം. തുടര്‍ന്നും പരിശീലനം ഉണ്ടാകും. പൊതുജനങ്ങള്‍ പരിശീലന പരിപാടി ഏറ്റെടുത്തതില്‍ മന്ത്രി നന്ദി അറിയിച്ചു.

ആരോഗ്യ വകുപ്പ് ഐഎംഎയുമായി സഹകരിച്ചാണ് പരിശീലനം നല്‍കിയത്. ഏറ്റവും കൂടുതല്‍ പേര്‍ പങ്കെടുത്തത് എറണാകുളം ജില്ലയിലാണ് 4311 . തിരുവനന്തപുരം 873, കൊല്ലം 848, പത്തനംതിട്ട 837, ആലപ്പുഴ 1040, കോട്ടയം 409, ഇടുക്കി 453, തൃശൂര്‍ 1193, പാലക്കാട് 634, മലപ്പുറം 308, കോഴിക്കോട് 559, വയനാട് 1113, കണ്ണൂര്‍ 2075, കാസര്‍കോട് 963 എന്നിങ്ങനെയാണ് മറ്റ് ജില്ലകളിലെ കണക്ക്.