വീര്യം കൂടിയ വിദേശ മദ്യം വില്‍ക്കാന്‍ ഒരു ദൂരപരിധിയും ഇല്ല; കള്ളിന് 400 മീറ്റര്‍ ഇത് എന്തൊരു വിരോധാഭാസം: കെ മുരളീധരന്‍
വീര്യം കൂടിയ വിദേശ മദ്യം വില്‍ക്കാന്‍ ഒരു ദൂരപരിധിയും ഇല്ല
തിരുവനന്തപുരം: വീര്യം കൂടിയ വിദേശ മദ്യം വില്‍ക്കാന്‍ എന്ത് ഇളവിനും തയ്യാര്‍. എന്നാല്‍, കള്ളിന് 400 മീറ്റര്‍. ഇത് എന്തൊരു വിരോധാഭാസമാണെന്ന് കെ. മുരളീധരന്‍. അഖില കേരള കള്ള് ചെത്തു വ്യവസായ തൊഴിലാളി ഫെഡറേഷന്‍ ഐ.എന്‍.ടി.യു.സി സെക്രട്ടേറിയറ്റിനു മുന്നില്‍ നടത്തിയ ധര്‍ണ സമരം ഉത്ഘാടനം ചെയ്തു സംസാരിക്കുകയായിരുന്നു കെ മുരളീധരന്‍.
വിദേശ മദ്യ ഉല്പാദനവുംവിപണനവും ഒരു വശത്ത് തകൃതിയായി നടക്കുമ്പോള്‍ മറു വശത്ത് വിദ്യാര്‍ഥികളും യുവതി യുവാക്കളും മയക്ക് മരുന്നിലേക്ക് എത്തിച്ചേരുകയാണ്. ഇത് നിയന്ത്രിക്കാന്‍ സര്‍ക്കാരിന് ഉത്തരവാദിത്വം ഉണ്ടെന്നും അദ്ദേഹം സൂചിപ്പിച്ചു.
ഫെഡറേഷന്‍ പ്രസിഡന്റ് ഡോ.വി.എസ്. അജിത് കുമാര്‍ അധ്യക്ഷത വഹിച്ചു. കെ.പി.സി.സി ജനറല്‍ സെക്രട്ടറി അഡ്വ.ജി. സുബോധന്‍, സിബികുട്ടി ഫ്രാന്‍സിസ്, ഫെഡറേഷന്‍ ജനറല്‍ സെക്രട്ടറി കെ.കെ. പ്രകാശന്‍, ട്രഷറര്‍ കുരിപ്പുഴ വിജയന്‍, ഡി.സി. സി വൈസ് പ്രസിഡന്റ് കടകംപള്ളി ഹരിദാസ് എന്നിവര്‍ സംസാരിച്ചു.
പാളയം രക്തസാക്ഷി മണ്ഡപത്തില്‍ നിന്നും നൂറു കണക്കിന് തൊഴിലാളികള്‍ പ്രതിക്ഷേധ മാര്‍ച്ചില്‍ പങ്കെടുത്തു. കെ.കെ അരവിന്താക്ഷന്‍, കുന്നത്തൂര്‍ പ്രസാദ്, അങ്കമാലി രവി,ശാസ്തവട്ടം രാജേന്ദ്രന്‍, വേലായുധന്‍ നെന്മാറ, വി.ആര്‍. വിജയന്‍, ശിവന്‍ പാലക്കാട്, ശ്രീവല്ലഭന്‍, എസ്. ശ്രീരംഗന്‍, ജി. ചന്ദ്രബാബു, വി. ചന്ദ്രിക, ജയ വക്കം, ആര്‍. വിജയകുമാര്‍, രാമസ്വാമി സനില്‍ തൊടുപുഴ എന്നിവര്‍ നേതൃത്വം നല്‍കി.