കിഫ്ബിക്കും മുഖ്യമന്ത്രിക്കും മുന് മന്ത്രി തോമസ് ഐസക്കിനും ആശ്വാസം; മസാല ബോണ്ടില് ഇഡിക്ക് ഹൈക്കോടതിയില് തിരിച്ചടി; കിഫ്ബിക്ക് നോട്ടീസ് നല്കിയ നടപടിയ്ക്ക് സ്റ്റേ
എറണാകുളം: മസാല ബോണ്ടില് ഇഡിക്ക് ഹൈക്കോടതിയില് തിരിച്ചടി. കിഫ്ബിക്ക് നോട്ടീസ് നല്കിയ നടപടി സ്റ്റേ ചെയ്ത് ഹൈക്കോടതി കിഫ്ബിയുടെ ഹര്ജി ഫയലില് സ്വീകരിച്ചു. മുന്പും അയച്ച നോട്ടീസുകള് ഹൈക്കോടതി റദ്ദ് ചെയ്തിരുന്നു. മസാല ബോര്ഡുമായി ബന്ധപ്പെട്ട് കിഫ്ബിക്കും മുഖ്യമന്ത്രിക്കും മുന് മന്ത്രി തോമസ് ഐസക്കിനും ഇഡി നോട്ടീസ് അയച്ചിരുന്നു. ഇതിനെ തുടര്ന്നാണ് കിഫ്ബി കോടതിയെ സമീപിച്ചത്.
മസാല ബോണ്ട് ഉപയോഗിച്ച് റിയല് എസ്റ്റേറ്റ് തിരിമറികളല്ല നടത്തിയതെന്നും മറിച്ച് വികസന പ്രവര്ത്തനങ്ങള്ക്കായി ഭൂമി ഏറ്റെടുക്കല് പോലുള്ള നടപടികളാണ് ചെയ്തതെന്നും കിഫ്ബി പറയുന്നു. ഫെമ ചട്ടങ്ങളുടെ ലംഘനമാണ് കിഫ്ബിയുടെത് എന്നായിരുന്നു ഇഡിയുടെ ആരോപണം. എന്നാല് വിശദ വാദം കേട്ട് തീരുമാനം എടുക്കാം എന്നതാണ് ഹൈക്കോടതിയുടെ നിലപാട്.
വികസന പദ്ധതികള്ക്ക് വേണ്ടി ഭൂമി ഏറ്റെടുക്കല് റിയല് എസ്റ്റേറ്റ് നടപടിയാണെന്നായിരുന്നു ഇഡി പറയുന്നത്. ജനുവരിയില് കേസ് വീണ്ടും പരിഗണിക്കും. അതുവരെ യാതൊരു തുടര്നടപടിയും നടത്താന് കഴിയില്ല. ഫലത്തില് സര്ക്കാരിനും കിഫ്ബിയ്ക്കും ആശ്വാസമാണ്. കിഫ്ബിക്കെതിരെ ഇഡി നടത്തുന്ന ആസൂത്രിതമായ നീക്കത്തിന് കൂടെ സംഭവിച്ച തിരിച്ചടിയാണിതെന്ന് സര്ക്കാര് പറയുന്നു.
കിഫ്ബിയിലൂടെ കേരളത്തില് നടക്കുന്ന വികസനപ്രവര്ത്തനങ്ങള് തകര്ക്കാനുള്ള ഇഡിയുടെ ഒടുവിലത്തെ നീക്കമാണ് തകര്ന്നതെന്ന് സിപിഎമ്മും പറയുന്നു.