'കുറ്റവാളി മന്ത്രിയായാലും തന്ത്രിയായാലും വിട്ടുവീഴ്ച പാടില്ല'; ശബരിമല കേസ് കേന്ദ്ര ഏജന്സിക്ക് വിടണമെന്ന് കുമ്മനം രാജശേഖരന്
തിരുവനന്തപുരം: ശബരിമല സ്വര്ണക്കൊള്ള കേസില് കുറ്റവാളികള് ആരായാലും, മന്ത്രിയായാലും തന്ത്രിയായാലും അന്വേഷണം ശരിയായ ദിശയില് പോകണമെന്ന് ബിജെപി ദേശീയ നിര്വാഹക സമിതി അംഗം കുമ്മനം രാജശേഖരന്. നിയമം നിയമത്തിന്റെ വഴിയില്ത്തന്നെ പോകണം. ഈ അന്വേഷണത്തില് ഒട്ടേറെ സംശയങ്ങള് ഭക്തജനങ്ങള്ക്കുണ്ട്.
ശബരിമല സ്വര്ണപ്പാളികള് വിറ്റതാര്ക്ക്, ആര്ക്കൊക്കെ അതിന്റെ വിഹിതം കിട്ടി, എന്നിവയിലേക്ക് അന്വേഷണം നീളുന്നില്ല. മുന് ദേവസ്വം മന്ത്രി കടകംപള്ളി സുരേന്ദ്രനെ ചോദ്യം ചെയ്തു, പിന്നീട് എന്തുണ്ടായി. ദേശീയ അന്തര്ദേശീയ മാനമുള്ള കേസായതിനാല് കേന്ദ്ര ഏജന്സികളെ അന്വേഷണമേല്പ്പിക്കണം. ഇ ഡി, സിബിഐ തുടങ്ങിയ ഏജന്സികളുടെ അന്വേഷണത്തെ എതിര്ക്കുന്നതില് ദുരൂഹതയുണ്ട്. രാജ്യാന്തര ബന്ധമുള്ള സംഭവത്തില് ദേശീയ ഏജന്സികള് വേണ്ടെന്ന നിലപാട് അന്വേഷണത്തില് ചില നീക്കുപോക്കുകളുണ്ടെന്ന സംശയം ജനിപ്പിക്കുന്നു. മകരവിളക്ക് നടക്കാന് പോകുമ്പോള് തന്ത്രി അറസ്റ്റിലായെന്നത് ഭക്തര്ക്ക് ആശങ്കയും വേദനയുമുളവാക്കുന്നതാണ്.
അന്വേഷണം അടൂര് പ്രകാശ്, സോണിയ ഗാന്ധി, മുഖ്യമന്ത്രി പിണറായി വിജയന് തുടങ്ങിയ ഉന്നതരിലേക്കുമെത്തണം. ഇത് തന്ത്രിയില് ഒതുക്കേണ്ട വിഷയമല്ല, കുമ്മനം കൂട്ടിച്ചേര്ത്തു.