'ബൗദ്ധിക വെല്ലുവിളി: മനഃശാസ്ത്രവശങ്ങള്‍': നിഷ് സെമിനാര്‍ 30ന്
By : സ്വന്തം ലേഖകൻ
Update: 2025-01-27 11:28 GMT
തിരുവനന്തപുരം: നാഷണല്‍ ഇന്‍സ്റ്റിറ്റ്യൂട്ട് ഓഫ് സ്പീച് ആന്‍ഡ് ഹിയറിങും (നിഷ്), സംസ്ഥാന സാമൂഹ്യ നീതി വകുപ്പും സംയുക്തമായി നടത്തുന്ന പ്രതിമാസ നിഡാസ് (നിഷ് ഓണ്‍ലൈന്‍ ഇന്റര്‍ ആക്റ്റീവ് ഡിസബിലിറ്റി അവെര്‍നെസ്സ് സെമിനാര്‍) വെബ്ബിനാര്‍ പരമ്പരയുടെ ഭാഗമായി ''ബൗദ്ധിക വെല്ലുവിളി:മനഃശാസ്ത്രവശങ്ങള്‍'' എന്ന വിഷയത്തില്‍ ഓണ്‍ലൈന്‍ സെമിനാര്‍ നടത്തും. ജനുവരി 30ന് രാവിലെ 10.30 മുതല്‍ 11.30 വരെ ഗൂഗിള്‍ മീറ്റിലൂടെയും യൂട്യൂബിലൂടെയും തത്സമയ സംപ്രേക്ഷണത്തോടെ നടക്കുന്ന മലയാളം വെബ്ബിനാറിന് നിഷിലെ ലക്ചററും റീഹാബിലിറ്റേഷന്‍ സൈക്കോളജിസ്റ്റുമായ അഞ്ജു വി.ജെ നേതൃത്വം നല്‍കും. സെമിനാര്‍ ലിങ്ക്: https://meet.google.com/bip-juco-cer . കൂടുതല്‍ വിവരങ്ങള്‍ക്ക്: 91-471-2596919/ 8848683261, www.nidas.nish.ac.in/