പ്രധാനമന്ത്രി നാളെ തിരുവനന്തപുരത്ത്; നഗരത്തിന്റെ ഈ പ്രദേശങ്ങള് റെഡ് സോണ്; വാഹനങ്ങള് വഴിതിരിച്ച് വിടും; രാവിലെ 7 മണി മുതല് ഗതാഗത നിയന്ത്രണം; വിമാനത്താവളത്തിലേക്കും റെയില്വേ സ്റ്റേഷനിലേക്കും പോകുന്നവര് അറിയാന്
തിരുവനന്തപുരം : പ്രധാനമന്ത്രി നരേന്ദ്രമോദിയുടെ സന്ദര്ശനത്തോടനുബന്ധിച്ച് തിരുവനന്തപുരം നഗരത്തില് നാളെ രാവിലെ മുതല് ഗതാഗത നിയന്ത്രണം. തിരുവനന്തപുരം നഗരത്തിലേക്ക് കടന്നുവരുന്ന എല്ലാ വാഹനങ്ങളും നഗരാതിര്ത്തിയില് കര്ശന സുരക്ഷ പരിശോധനക്ക് വിധേയമാക്കുമെന്ന് സിറ്റി പൊലീസ് കമ്മീഷ്ണര് അറിയിച്ചു. ശംഖുംമുഖം- എയര്പോര്ട്ട് ഭാഗവും പുത്തരിക്കണ്ടം- കിഴക്കേകോട്ട ഭാഗവും വ്യാഴം, വെള്ളി ദിവസങ്ങളില് താല്ക്കാലിക റെഡ് സോണായി പ്രഖ്യാപിച്ചിട്ടുണ്ട്. ഈ ദിവസങ്ങളില് ശംഖുംമുഖം - എയര്പോര്ട്ട് ഭാഗത്തും പുത്തരിക്കണ്ടം -കിഴക്കേകോട്ട ഭാഗത്തുമുള്ള രണ്ടു കിലോമീറ്റര് ചുറ്റളവില് ഡ്രോണ്/ ഡ്രോണ് ക്യാമറകള് ഉപയോഗിക്കുന്നതും പട്ടം, ബലൂണുകള് എന്നിവ പറത്തുന്നതും ലേസര് ബീം ലൈറ്റുകള് എന്നിവ ഉപയോഗിക്കുന്നതും നിരോധിച്ചിട്ടുണ്ട്.
നഗരത്തില് വെള്ളി രാവിലെ 7 മുതല് ഉച്ചയ്ക്ക് 2 വരെ ഗതാഗതക്രമീകരണങ്ങള് ഏര്പ്പെടുത്തി. വെള്ളിയാഴ്ച രാവിലെ 7 മുതല് ഉച്ചയ്ക്ക് 2 വരെ ഡൊമസ്റ്റിക് എയര്പോര്ട്ട് - ശംഖുമുഖം -ആള്സെയിന്റ്സ് - ചാക്ക പേട്ട - പള്ളിമുക്ക് - പാറ്റൂര് - ജനറല് ആശുപത്രി - ആശാന് സ്ക്വയര്- രക്തസാക്ഷി മണ്ഡപം- വി ജെ ടി- മെയിന്ഗേറ്റ്- സ്റ്റാച്യു- പുളിമൂട് - ആയുര്വേദ കോളേജ്- ഓവര് ബ്രിഡ്ജ്- മേലെ പഴവങ്ങാടി- പവര്ഹൗസ് ജംഗ്ഷന്- ചൂരക്കാട്ട്പാളയം വരെ റോഡിന്റെ ഇരുവശത്തും വാഹനങ്ങള് പാര്ക്ക് ചെയ്യാന് പാടില്ല.ശംഖുംമുഖം - ഡൊമസ്റ്റിക് എയര് പോര്ട്ട് -വലിയതുറ പൊന്നറപ്പാലം -കല്ലുംമ്മൂട് - അനന്തപുരി ഹോസ്പിറ്റല് - ഈഞ്ചയ്ക്കല് - മിത്രാനന്ദപുരം - എസ് പി ഫോര്ട്ട് - ശ്രീകണ്ഠേശ്വരം പാര്ക്ക് - തകരപ്പറമ്പ് മേല്പ്പാലം - പവര്ഹൗസ് ജംഗ്ക്ഷന് വരെയുളള റോഡിലും ചാക്ക- അനന്തപുരി ഹോസ്പിറ്റല് റോഡിന്റെയും ഇരുവശങ്ങളിലും വാഹനങ്ങള് പാര്ക്ക് ചെയ്യാന് അനുവദിക്കുന്നതല്ല.
ഗതാഗത നിയന്ത്രണം ഏര്പ്പെടുത്തിയിട്ടുള്ള റോഡുകളില് വാഹനങ്ങള് പാര്ക്ക് ചെയ്യാന് പാടില്ലാത്തതും അത്തരത്തില് പാര്ക്ക് ചെയ്യുന്ന വാഹനങ്ങളെ റിക്കവറി വാഹനം ഉപയോഗിച്ച് നീക്കം ചെയ്യുന്നതുള്പ്പെടെയുള്ള നിയമനടപടികള് സ്വീകരിക്കുന്നതുമാണെന്ന് അധികൃതര് അറിയിച്ചു.വിവിഐപി റൂട്ട് സമയത്ത് പ്രധാന റോഡില് വന്നു ചേരുന്ന ഇടറോഡുകളിലെ വാഹന ഗതാഗതത്തിന് നിയന്ത്രണമേര്പ്പെടുത്തും. രാവിലെ 10 മുതല് 11 വരെയും ഉച്ചയ്ക്ക് 12 മുതല് 1 വരെയും ഗതാഗതം വഴിതിരിച്ചുവിടും. ഡൊമസ്റ്റിക് എയര്പോര്ട്ട് ഭാഗത്ത് നിന്നും ശംഖുമുഖം വഴി പോകുന്ന വാഹനങ്ങള് വലിയതുറ പൊന്നറ പാലം കല്ല് മൂട് ഭാഗം വഴിയും വെട്ടുകാട്, വേളി ഭാഗങ്ങളില് നിന്നും ആള്സെയിന്റ്സ് വഴി പോകുന്ന വാഹനങ്ങള് മാധവപുരം, വെണ്പാലവട്ടം വഴിയും പോകണം.കഴക്കൂട്ടം ഭാഗത്ത് നിന്നും ചാക്ക വഴി തിരുവനന്തപുരം സിറ്റിയിലേക്ക് പോകുന്ന വാഹനങ്ങള് വെണ്പാലവട്ടം -കുമാരപുരം- പട്ടം -കവടിയാര് വഴി പോകേണ്ടതാണ്.
പിഎംജി ഭാഗത്ത് നിന്നും പാളയം വഴി പോകുന്ന വാഹനങ്ങള് എല്എംഎസ് - പബ്ലിക് ലൈബ്രറി - പഞ്ചാപുര വഴിയും വെള്ളയമ്പലം ഭാഗത്ത് നിന്നും പാളയം വഴി പോകുന്ന വാഹനങ്ങള് വഴുതയ്ക്കാട് - വിമന്സ് കോളേജ് - തൈക്കാട് വഴിയും പോകേണ്ടതാണ്.തമ്പാനൂര് ഭാഗത്ത് നിന്നും ഓവര്ബ്രിഡ്ജ് വഴി കിഴക്കേകോട്ട പോകേണ്ട വാഹനങ്ങല് ചൂരയ്ക്കാട്ട് പാളയം- കിള്ളിപാലം - അട്ടക്കുളങ്ങര വഴി പോകേണ്ടതാണ്. അട്ടക്കുളങ്ങര ഭാഗത്ത് നിന്നും കിഴക്കേകോട്ട വഴി പോകുന്ന വാഹനങ്ങള് കിള്ളിപ്പാലം വഴിയോ ഈഞ്ചയ്ക്കല് വഴിയോ പോകേണ്ടതാണ്.
വെള്ളിയാഴ്ച പുത്തരികണ്ടം മൈതാനത്തില് നടക്കുന്ന പൊതുസമ്മേളനത്തില് പങ്കെടുക്കാന് എത്തുന്നവരെ കിള്ളിപ്പാലം, അട്ടക്കുളങ്ങര, ശ്രീകണ്ഠേശ്വരം പാര്ക്ക് എന്നീ ഭാഗങ്ങളില് ഇറക്കിയ ശേഷം വലിയ വാഹനങ്ങള് ആറ്റുുകാല് പാര്ക്കിംഗ് ഗ്രൗണ്ട്, ഹോമിയോ കോളേജ് പാര്ക്കിംഗ് ഗ്രൗണ്ട്, ചാല സ്കൂള് ഗ്രൗണ്ട്, പൂജപ്പുര ഗ്രൗണ്ട്, കവടിയാര് സാല്വേഷന് ആര്മി സ്കൂള് ഗ്രൗണ്ട് എന്നിവിടങ്ങളിലും ചെറിയ വാഹനങ്ങള് ഫോര്ട്ട് സ്കൂള് ഗ്രൗണ്ട്, മാഞ്ഞാലിക്കുളം ഗ്രൗണ്ട്, അട്ടക്കുളങ്ങര ഗവ. സെന്ട്രല് സ്കൂള് ഗ്രൗണ്ട്, വെള്ളയമ്പലം വാട്ടര് ആതോറിറ്റി ഗ്രൗണ്ട്, ഫോര്ട്ട് ഹൈസ്കൂള് എന്നിവിടങ്ങളിലും പാര്ക്ക് ചെയ്യണം.
വിമാനത്താവളത്തിലേക്കും, റെയില്വെ സ്റ്റേഷനിലേക്കും വരുന്ന യാത്രക്കാര് മുന്കൂട്ടി യാത്രകള് ക്രമീകരിക്കണം. ഡൊമസ്റ്റിക് എയര്പോര്ട്ടിലേക്ക് പോകുന്ന യാത്രക്കാര് വെണ്പാലവട്ടം, ചാക്ക ഫ്ലൈ ഓവര്, ഈഞ്ചക്കല് കല്ലുംമൂട്, പൊന്നറ പാലം, വലിയതുറ വഴിയും ഇന്റര്നാഷണല് ടെര്മിനലിലേക്ക് പോകുന്ന യാത്രക്കാര് വെണ്പാലവട്ടം ചാക്ക ഫ്ലൈ ഓവര്, ഈഞ്ചക്കല്, കല്ലുംമ്മൂട് അനന്തപുരി ആശുപത്രി സര്വീസ് റോഡ് വഴിയും പോകണം.ട്രാഫിക് ക്രമീകരണങ്ങളുടെ വിവരങ്ങള് അറിയാന് പൊതുജനങ്ങള്ക്ക് 04712558731, 9497930055, എന്നീ ഫോണ് നമ്പരുകളില് ബന്ധപ്പെടാം.