ഭൂമി തട്ടിയെടുക്കുന്നത് വഖഫ് ബോര്‍ഡിന് ശീലമായി മാറി; ബോര്‍ഡിന്റെ ഘടനയില്‍ മാറ്റം വരുത്താന്‍ സമയമായി; ആരെതിര്‍ത്താലും വഫഖ് നിയമഭേദഗതി ബില്‍ പാസാക്കുമെന്ന് കേന്ദ്ര ആഭ്യന്തര മന്ത്രി അമിത് ഷാ
ആരെതിര്‍ത്താലും വഫഖ് നിയമഭേദഗതി ബില്‍ പാസാക്കുമെന്ന് അമിത് ഷാ
റാഞ്ചി : ആരെതിര്‍ത്താലും വഫഖ് നിയമഭേദഗതി ബില്‍ പാസാക്കുമെന്ന് വ്യക്തമാക്കി കേന്ദ്ര ആഭ്യന്തര മന്ത്രി അമിത് ഷാ. ഭൂമി തട്ടിയെടുക്കുന്നത് വഖഫ് ബോര്‍ഡിന് ശീലമായി മാറി. കര്‍ണാടകയില്‍ അത് ഗ്രാമീണരുടെ സ്വത്തുക്കള്‍ വിഴുങ്ങുകയാണ്. ക്ഷേത്രങ്ങളുടെയും ഗ്രാമീണരുടെയും കര്‍ഷകരുടെയും ഭൂമി തട്ടിയെടുത്തു. വഖഫ് ബോര്‍ഡില്‍ മാറ്റങ്ങള്‍ വേണോ വേണ്ടയോ എന്ന് നിങ്ങള്‍ പറയൂ എന്നും ജാര്‍ഖണ്ഡിലെ ബാരയില്‍ നടന്ന തിരഞ്ഞെടുപ്പ് റാലിയില്‍ അമിത് ഷാ ചോദിച്ചു.
വഖഫ് നിയമ ഭേദഗതി ബില്‍ ബി.ജെ.പി സര്‍ക്കാര്‍ പാസാക്കുമെന്നും തങ്ങളെ തടയാന്‍ ആര്‍ക്കും കഴിയില്ലെന്നും കേന്ദ്ര ആഭ്യന്തര മന്ത്രി അമിത് ഷാ പറഞ്ഞു.വഖഫ് നിയമ ഭേദഗതി ചെയ്യാനും ബോര്‍ഡിന്റെ ഘടനയില്‍ മാറ്റം വരുത്താന്‍ സമയമായെന്നും അദ്ദേഹം പറഞ്ഞു. ഏകീകൃത സിവില്‍ കോഡ് നടപ്പാക്കുന്നത് തടയാന്‍ ആര്‍ക്കും സാധിക്കില്ല.
അതേസമയം ഗോത്രവിഭാഗങ്ങളെ ഇതില്‍ നിന്ന് മാറ്റിനിറുത്തുമെന്നും അമിത് ഷാ ഉറപ്പുനല്‍കി. ജാര്‍ഖണ്ഡ് മുഖ്യമന്ത്രി ഹേമന്ത് സോറനും കോണ്‍ഗ്രസ് നേതാവ് രാഹുല്‍ ഗാന്ധിയും വഖഫ് ബോര്‍ഡിലെ പരിഷ്‌കാരങ്ങള്‍ എതിര്‍ക്കുകയാണെന്നും അദ്ദേഹം പരിഹസിച്ചു. ഹേമന്ത് സോറനും രാഹുല്‍ ഗാന്ധിയും വേണ്ട എന്നാണ് പറയുക. അവര്‍ അതിനെ എതിര്‍ക്കട്ടെ, വഖഫ് നിയമം ഭേദഗതിചെയ്യാനുള്ള ബില്‍ ബി.ജെ.പി പാസാക്കും. അതിനെ ആര്‍ക്കും തടയാന്‍ സാധിക്കില്ലെന്നും അമിത് ഷാ പറഞ്ഞു.