സംസ്ഥാന സ്കൂൾ കായികമേള 2024; സീനിയർ ആൺകുട്ടികളുടെ ലോങ്ജംപിൽ സ്വർണത്തിളക്കവുമായി മലപ്പുറത്തിൻ്റെ അഞ്ജയ്ദീപ്; പെൺകുട്ടികളുടെ ഡിസ്കസ് ത്രോയിൽ സ്വർണനേട്ടവുമായി ഹെനിൻ എലിസബത്ത്

എറണാകുളം: സംസ്ഥാന സ്കൂൾ കായികമേള മത്സരത്തിൽ സീനിയർ ആൺകുട്ടികളുടെ ലോങ്ജംപിൽ മലപ്പുറത്തിൻ്റെ അഞ്ജയ്ദീപ് ടി.യ്ക്ക് സ്വർണ തിളക്കം. കടകശ്ശേരി ഐഡിയൽ കെ.എച്ച്.എം.എച്ച്.എസ്.എസിലെ വിദ്യാർഥിയാണ് അഞ്ജയ്ദീപ്.

മഹാരാജാസ് കോളേജ് സ്റ്റേഡിയത്തിലാണ് ലോങ്ജംപ് ഫൈനൽ മത്സരം നടന്നത്. ഫൈനലിൽ 7.1 മീറ്റർ ദൂരം ചാടിയാണ് അഞ്ജയ് സ്വർണമണിഞ്ഞത്.

അതുപ്പോലെ, സീനിയർ പെൺകുട്ടികളുടെ ഡിസ്കസ് ത്രോയിൽ ഹെനിൻ എലിസബത്ത് സ്വർണംനേടി. ഡിസ്കസിൽ റെക്കോർഡ് ലക്ഷ്യമിട്ടിരുന്നെങ്കിലും അ‌തിന് സാധിച്ചില്ലെന്നും ഞായറാഴ്ച നടക്കുന്ന തന്റെ പ്രധാന ഇനമായ ഷോട്ട്പുട്ടിൽ ആ കുറവ് നികത്താനാകുമെന്നാണ് പ്രതീക്ഷയെന്നും ഹെനിൻ പറഞ്ഞു. ഫോർട്ടു​കൊച്ചി സ്വദേശിനിയാണ് ഹെനിൻ.