ഇന്ത്യാ പ്രസ് ക്ലബ് ഓഫ് നോര്‍ത്ത് ടെക്‌സസ് അവാര്‍ഡ് കമ്മിറ്റി പ്രഖ്യാപിച്ചു
ഡാളസ് : ഇന്ത്യാ പ്രസ് ക്ലബ് ഓഫ് നോര്‍ത്ത് ടെക്‌സസ് അമേരിക്കയിലെ മികച്ച മധ്യമ പ്രവര്‍ത്തകന്‍, മികച്ച മലയാളി സംഘടനാ പ്രവര്‍ത്തകന്‍, സാമൂഹിക സാംസ്‌കാരിക പ്രവര്‍ത്തനം കാഴ്ചവച്ചവരെ കണ്ടെത്തുന്നതിന് ഡോ ഹരി നമ്പൂതിരി,ഡോ.സ്റ്റീവന്‍ പോട്ടൂര്‍,എബ്രഹാം മാത്യൂസ് (കൊച്ചുമോന്‍ ), ലാലി ജോസഫ്:എന്നിവര്‍ ഉള്‍പ്പെടുന്ന നാലംഗ അവാര്‍ഡ് കമ്മിറ്റി പ്രഖ്യാപിച്ചു.
ഡോ ഹരി നമ്പൂതിരി: സര്‍വീസ് സൂപ്പര്‍ സ്റ്റാര്‍ കസ്റ്റമര്‍ റിലേഷന്‍സ് ആശയത്തിന്റെ വക്താവ്. മോട്ടിവേഷണല്‍ സ്പീക്കര്‍, സോഷ്യല്‍ ആക്ടിവിസ്റ്റ്, കമ്മ്യൂണിറ്റി ഡെവലപ്പര്‍, പ്രിസെപ്റ്റര്‍, മെന്റര്‍, എഡ്യൂക്കേറ്റര്‍. കസ്റ്റമര്‍ എക്സലന്‍സ് ദേശീയ സ്പീക്കര്‍, ചെയര്‍, അഡ്മിനിസ്‌ട്രേറ്റേഴ്‌സ് കൗണ്‍സില്‍, ടെക്‌സസ് ഹെല്‍ത്ത് കെയര്‍ അസോസിയേഷന്‍ (Txhca.org), ബോര്‍ഡ് ചെയര്‍, എല്‍ മിലാഗ്രോ ക്ലിനിക്ക്, അംഗം നാഷണല്‍ ക്വാളിറ്റി കാബിനറ്റ്, അംഗം, പൊളിറ്റിക്കല്‍ ആക്ഷന്‍ & ഇന്‍വെല്‍മെന്റ് കമ്മിറ്റി, സീനിയര്‍ എക്‌സാമിനര്‍, നാഷണല്‍ ക്വാളിറ്റി അവാര്‍ഡ്, അമേരിക്കന്‍ ഹെല്‍ത്ത് കെയര്‍ അസോസിയേഷന്‍(Ahca.org), പ്രസിഡന്റ്, ഇന്ത്യ അസോസിയേഷന്‍ ഓഫ് റിയോ ഗ്രാന്‍ഡെ വാലി(IARGV.org), ചെയര്‍ തിരഞ്ഞെടുക്കപ്പെട്ട & ഉപദേശക ബോര്‍ഡ് അംഗം, റിയോ ഗ്രാന്‍ഡെ വാലി ഹിസ്പാനിക് ചേംബര്‍ ഓഫ് കൊമേഴ്സ് (Rgvhcc.com), അംഗം സിറ്റി അഡൈ്വസറി ബോര്‍ഡ്.
പ്രൊഫഷണല്‍, കമ്മ്യൂണിറ്റി, നേതൃപരമായ സംഭാവനകളിലെ മികവിന് പ്രാദേശിക, സംസ്ഥാന, ദേശീയ, അന്തര്‍ദേശീയ അംഗീകാരങ്ങള്‍ നേടിയ ബഹുമുഖ പ്രതിഭ .
ഡോ.സ്റ്റീവന്‍ പോട്ടൂര്‍ , ഹെല്‍ത്ത് കെയര്‍ മാനേജ്‌മെന്റ് എക്‌സിക്യൂട്ടീവ്, സോഷ്യല്‍ സര്‍വീസ് രംഗത്ത്, തന്റെ പ്രൊഫഷണല്‍ എക്‌സ്പീരിയന്‍സ് തെളിയിക്കുകയും, മലയാളികള്‍ക്ക് എപ്പോഴും ഒരു കൈത്താങ്ങുമാണ് ഡോക്ടര്‍. സ്റ്റീവന്‍ പോട്ടൂര്‍.
എബ്രഹാം മാത്യൂസ് (കൊച്ചുമോന്‍ ). അമേരിക്കയിലെ ആദ്യകാല മാധ്യമപ്രവര്‍ത്തകന്‍, അമേരിക്കയിലെ ആദ്യകാല പത്രങ്ങളില്‍ ഒന്നായ മലയാളം വാര്‍ത്തയുടെ, പബ്ലിഷറും എക്‌സിക്യൂട്ടീവ് എഡിറ്ററും, പെന്‍സില്‍ വാനിയ സ്റ്റേറ്റിലെ സാമൂഹിക സാംസ്‌കാരിക പ്രവര്‍ത്തകനാണ്
ലാലി ജോസഫ്: കാലത്തിനു മുന്‍പേ സഞ്ചരിക്കുന്ന എഴുത്തുകാരി, സാമൂഹിക പ്രവര്‍ത്തക, സ്പാനിഷ് ലാംഗ്വേജ്, മറ്റുള്ളവര്‍ക്ക് ഫ്രീയായി പഠിപ്പിക്കുന്ന അധ്യാപിക, ആതുര സേവനരംഗത്ത് സജീവ സാന്നിധ്യം
ഡാളസ്സില്‍ ജനുവരി 26 നു ഐ പി സി എന്‍ ടി സ്ഥാപക പ്രസിഡന്റ് ശ്രീ എബ്രഹാം തെക്കേമുറി ഹാളില്‍ പ്രസിഡന്റ് സണ്ണിമാളിയേക്കല്‍ അധ്യക്ഷതയില്‍ ചേരുന്ന ഇന്ത്യാ പ്രസ് ക്ലബ് ഓഫ് നോര്‍ത്ത് ടെക്‌സസ് 2024 പ്രവര്‍ത്തന സമാപന സമ്മേളനത്തിലാണ് അവാര്‍ഡ് ചടങ്ങു സംഘടിപ്പിക്കുന്നത് .മലയാളികളിലെ നന്മയും കാരുണ്യവും എടുത്തു കാട്ടിയ സ്വന്തം കാര്യവുമായി വീട്ടില്‍ ഒതുങ്ങി പോകാതെ സമൂഹത്തിനായി പ്രവര്‍ത്തന നിരതരായി ഒട്ടേറെ പേരുണ്ട്. സാമ്പത്തിക സഹായം ആവശ്യമുള്ളവര്‍ക്ക് കൈയയച്ച് സഹായിക്കാന്‍ മലയാളികള്‍ അതിനൊക്കെ നേതൃത്വം നല്‍കിയവരെ ആദരിക്കുന്നത് നമ്മുടെ കടമ തന്നെയാണ് കൂടുതല്‍ മെഡിക്കല്‍ പ്രൊഫഷണലുകള്‍ ഉള്ളതിനാല്‍ തങ്ങളുടെ നേട്ടങ്ങള്‍ പങ്കു വയ്ക്കാന്‍ മലയാളികള്‍ മടി കാണിച്ചില്ല എന്നതും മലയാളി സമൂഹത്തിന് അഭിമാനം പകരുന്നതായി പ്രസിഡന്റ് സണ്ണിമാളിയേക്കല്‍ പറഞ്ഞു.
സംഘടനാ ഭാരവാഹികള്‍ക്കും വ്യക്തികള്‍ക്കും മികച്ച വ്യക്തികളെ നോമിനേറ്റ് ചെയ്യാം. പ്രസ് ക്ലബ് നിയോഗിക്കുന്ന വിദഗ്ധ സമിതി അംഗീകാരം അര്‍ഹിക്കുന്നവരെ തെരഞ്ഞെടുക്കും ഇമെയില്‍ വഴി നിര്‍ദ്ദേശങ്ങള്‍ അയക്കാം. നിങ്ങളുടെ വിലയേറിയ സഹകരണം പ്രതീക്ഷിക്കുന്നു. ഡിസംബര്‍ 31 നു മുന്‍പായി അറിയിക്കുന്ന മികച്ച വ്യക്തികളെ ആദരിക്കുക എന്നത് തങ്ങളുടെ കടമയായി കരുതുന്നുവെന്നു ഇന്ത്യാ പ്രസ് ക്ലബ് ഓഫ് നോര്‍ത്ത് ടെക്‌സസ് , ജനറല്‍ സെക്രട്ടറി ബിജിലി ജോര്‍ജ് , ട്രഷറര്‍ ബെന്നി ജോണ്‍ എന്നിവര്‍ ചൂണ്ടിക്കാട്ടി.
നിര്‍ദേശങ്ങള്‍ അയക്കാനുള്ള ഈമെയില്‍:ipcnt2020@gmail.com,asianettv@gmail.com. അല്ലെങ്കില്‍ ഐ പി സി എന്‍ ടി സംഘടനാ ഭാരവാഹികളായ സാം മാത്യു ,പ്രസാദ് തിയോടിക്കല്‍ , തോമസ് ചിറമേല്‍ , അനശ്വര്‍ മാംമ്പിള്ളി ,സിജു ജോര്‍ജ് എന്നിവരുമായി ബന്ധപ്പെടാവുന്നതാണ്.