ഡാളസ് കേരളാ അസോസിയേഷന്‍ സംഘടിപ്പിക്കുന്ന 'കേരളീയം' 16ന്
ഡാളസ് : കേരളാ അസോസിയേഷന്‍ കേരളത്തിന്റെ അറുപത്തെട്ടാമത് വാര്‍ഷീകം വിവിധ പരിപാടികളോടെ ആഘോഷിക്കുന്നു. 2024 നവംബര്‍ 16 ശനിയാഴ്ച കേരളീയം എന്നപേരിലാണ് കേരളം പിറവി സംഘടിപ്പിക്കുന്നത് .ഭരതനാട്യം, മോഹിനിയാട്ടം, തിരുവാതിര, മാര്‍ഗംകളി, ഒപ്പന, കേരളനടനം, തെയ്യം തുടങ്ങിയ കേരളത്തനിമയാര്‍ന്ന കലാപരിപാടികളുമായി തകര്‍പ്പന്‍ ഒരാഘോഷമായിരിക്കും കേരളീയമെന്നുപ്രോഗ്രാം കോര്‍ഡിനേറ്ററും ആര്‍ട് ഡിറ്റക്ടറുമായ സുബി ഫിലിപ്പ് പറഞ്ഞു.
ശനിയാഴ്ച വൈകീട്ട് 6 മുതല്‍ 8:30 വരെ ഗാര്‍ലന്‍ഡിലെ സെന്റ് തോമസ് സീറോ മലബാര്‍ ചര്‍ച്ച് ജൂബിലി ഹാളിലാണ് പരിപാടികള്‍ക്ക് തിരശീല ഉയരുന്നത്.എല്ലാവരെയും കേരളീയത്തിലേക്കു സ്വാഗതം ചെയ്യുന്നതായി സെക്രട്ടറി മന്‍ജിത് കൈനിക്കര അറിയിച്ചു
പ്രസിഡന്റ് പ്രദീപ് നാഗനൂലില്‍, ദീപക് മടത്തില്‍, വിനോദ് ജോര്‍ജ് ,സാബു മാത്യു, ജെയ്സി രാജു, സാബു മുക്കാലടിയില്‍, അഗസ്റ്റിന്‍ ,ബേബി കൊടുവത്ത് ഫ്രാന്‍സിസ് ആംബ്രോസ് ഡിംപിള്‍ ജോസഫ് എന്നിവരാണ് കേരളീയം വന്‍ വിജയമാകുന്നതിനു പ്രവര്‍ത്തിക്കുന്നത്.