മല്ലപ്പള്ളി സംഗമത്തിന്റെ ഓണാഘോഷവും കുടുംബ സംഗമവും - ശനിയാഴ്ച
ജീമോന്‍ റാന്നി
ഹൂസ്റ്റണ്‍ - ഹ്യൂസ്റ്റണ്‍ലെ പ്രമുഖ പ്രവാസി സംഘടനയായ മല്ലപ്പള്ളി സംഗമത്തിന്റെ ഈ വര്‍ഷത്തെ ഓണാഘോഷവും കുടുംബ സംഗമവും വിപുലമായ പരിപാടികളുടെ നടത്തപ്പെടുന്നു
സെപ്റ്റംബര്‍ 14ന് ശനിയാഴ്ച സ്റ്റാഫോഡിലെ 'Prompt Real estate office,920 Murphy Road Stafford' ഹാളിലാണ് ഓണാഘോഷ പരിപാടികള്‍ സംഘടിപ്പിച്ചിരിക്കുന്നത്. ഹൂസ്റ്റണിലെ മലയാളികളായ ഇലക്റ്റഡ് ലെ ഓഫീഷ്യല്‍സ് മുഖ്യ അതിഥികള്‍ ആയിരിക്കുമെന്ന് സംഘാടകര്‍ അറിയിച്ചു
രാവിലെ 11ന് ആരംഭിക്കുന്ന ഓണാഘോഷ പരിപാടികള്‍ വിപുലമായ ഓണസദ്യയോട് കൂടി സമാപിക്കുംമല്ലപ്പള്ളി സംഗമത്തിന്റെ നാളിതുവരെ നടത്തിവരുന്ന ജീവകാരുണ്യ പ്രവര്‍ത്തനങ്ങള്‍ വളരെ ശ്രദ്ധേയമാണ്, സംഗമത്തിന്റെ കാരുണ്യ സ്പര്‍ശമായി കഴിഞ്ഞകാലങ്ങളില്‍ ഇതുവരെ ആറ് വിദ്യാര്‍ഥികളെ ബിഎസ്സി നേഴ്‌സിങ് പഠിപ്പിക്കുവാന്‍ കഴിഞ്ഞു. ഇപ്പോഴും ഒരു വിദ്യാര്‍ഥിയെ ബിഎസ്സി നേഴ്‌സിങ് പഠിപ്പിച്ചു കൊണ്ടിരിക്കുകയുമാണെന്ന് എന്ന് പ്രസിഡണ്ട് ചാക്കോ നൈനാന്‍ സെക്രട്ടറി റസ്ലി മാത്യു ട്രഷറര്‍ സെന്നി ഉമ്മന്‍ എന്നിവര്‍ അറിയിച്ചു മല്ലപ്പള്ളി സംഗമത്തിന്റെ എല്ലാ അംഗങ്ങളെയും മല്ലപ്പള്ളിയുടെ പ്രാന്തപ്രദേശങ്ങളില്‍ നിന്നും ഹൂസ്റ്റണില്‍ സ്ഥിരതാമസമാക്കിയിരിക്കുന്ന എല്ലാ അഭ്യുദയകാംക്ഷികളെയും ഓണപരിപാടിയിലേക്ക് സ്വാഗതം ചെയ്യുന്നു
കൂടുതല്‍ വിവരങ്ങള്‍ക്ക് ചാക്കോ നൈനാന്‍ 832-661-7555