സ്‌നേഹതീരം ഉത്ഘാടനവും കേരളപ്പിറവി ദിനാഘോഷവും നവംബര്‍ ഒന്നിന് ഫിലഡല്‍ഫിയായില്‍

ഫിലഡല്‍ഫിയാ: ഫിലഡല്‍ഫിയായില്‍ അധിവസിക്കുന്ന പ്രവാസി മലയാളികള്‍ക്ക് അവരുടെ ചിന്തകളും വികാരങ്ങളും പ്രശ്‌നങ്ങളും, സൗഹൃദങ്ങളും പങ്കു വെക്കുവാനുള്ള ഒരു സൗഹൃദ വേദി ആവശ്യമാണ് എന്ന കാഴ്ചപ്പാടില്‍, ഏതാനും ചില മലയാളി സൗഹൃദവലയങ്ങള്‍ ചേര്‍ന്ന് ഫിലഡല്‍ഫിയായില്‍ രൂപം കൊടുത്ത 'സ്‌നേഹതീരം ' എന്ന സൗഹൃദ കൂട്ടായ്മയുടെ ഔപചാരിക ഉത്ഘാടനവും കേരളപ്പിറവി ദിനാഘോഷവും, കേരളപ്പിറവി ദിനമായ നവംബര്‍ 01 വെള്ളിയാഴ്ച 11: 30 മുതല്‍ ക്രൂസ് ടൗണിലുള്ള മയൂര റെസ്റ്റോറന്റ് ല്‍ വച്ചു നടത്തപ്പെടുന്നു. (Mayura Indian Restaurant , 9321-23 Krewstown Rd, Philadelphia, PA 19115)

വെള്ളിയാഴ്ച രാവിലെ കൃത്യം 11:30 ന് രജിഷ്ട്രേഷന്‍ ആരംഭിക്കും. തുടര്‍ന്ന് ഉത്ഘാടന സമ്മേളനവും, കേരളപ്പിറവി ദിനാഘോഷവും നടക്കും. തദവസരത്തില്‍ സ്‌നേഹതീരം വുമണ്‍സ് ഫോറത്തിന്റെ ഉത്ഘാടനവും, സ്‌നേഹതീരം ലോഗോ പ്രകാശനവും ഉണ്ടായിരിക്കുന്നതാണെന്ന് ഷിബു വര്‍ഗീസ് കൊച്ചുമഠം, സെബാസ്റ്റ്യന്‍ മാത്യു, തോമസ് ചാക്കോ, അനൂപ് തങ്കച്ചന്‍, സജു മാത്യു, ജോണ്‍ കോശി, കൊച്ചുകോശി ഉമ്മന്‍, സുജ കോശി, ഷെറിന്‍ അനൂപ്, ജിഷ അനു, സോഫി സെബാസ്റ്റ്യന്‍ എന്നിവര്‍ പത്രസമ്മേളനത്തില്‍ അറിയിച്ചു. പതിനൊന്നര മുതല്‍ രണ്ടുമണി വരെയുള്ള ഈ പ്രോഗ്രാമില്‍ വിവിധങ്ങളായ കലാപരിപാടികളും, ചര്‍ച്ചകളും അരങ്ങേറും. ഒപ്പം, വിഭവ സമൃദ്ധമായ ബുഫെയും ക്രമീകരിച്ചിട്ടുണ്ട്.

നൂതന ആശയങ്ങളും, മികച്ച സഹായ സഹകരണവും ഒത്തുചേരുന്ന ഈ സൗഹൃദ കൂട്ടായ്മയില്‍ ഒത്തൊരുമിച്ചു ഒരുമനസ്സോട് പ്രവര്‍ത്തിക്കുവാനും. സൗഹൃദങ്ങള്‍ പങ്കിടുവാനും, കൂട്ടായ്മയില്‍ അംഗമായി ഒത്തുചേര്‍ന്നു പ്രവര്‍ത്തിക്കുവാനും താല്പര്യമുള്ള ഫിലാഡല്‍ഫിയായിലുള്ള എല്ലാ നല്ലവരായ മലയാളി സൗഹൃദങ്ങളെയും ഈ പ്രോഗ്രാമിലേക്ക് ആത്മാര്‍ത്ഥമായി സ്വാഗതം ചെയ്യുന്നതായി സംഘാടകര്‍ അറിയിച്ചു.

കൂടുതല്‍ വിവരങ്ങള്‍ക്ക് ബന്ധപ്പെടുക: ഷിബു വര്‍ഗീസ് കൊച്ചുമഠം: 215 758 6629, സെബാസ്റ്റ്യന്‍ മാത്യു: 215 7910 0516, ജോജി പോള്‍: 215 7910 0516 , തോമസ് ചാക്കോ: 215 758 6629, അനൂപ് തങ്കച്ചന്‍: 215 939 5986, സജു മാത്യു,

കൊച്ചുകോശി ഉമ്മന്‍: 215 910 0516

വാര്‍ത്ത: ഷിബു വര്‍ഗീസ് കൊച്ചുമഠം