എമ്മി അവാര്‍ഡു ജേതാവ് ജോബിന്‍ പണിക്കരെ ഇന്ത്യ പ്രസ് ക്ലബ് ഓഫ് നോര്‍ത്ത് ടെക്‌സാസ് അനുമോദിച്ചു
സിജു വി ജോര്‍ജ്
ഡാളസ് ;ഈ വര്‍ഷത്തെ സ്‌പെഷ്യല്‍ വാര്‍ത്താവിഭാഗത്തില്‍5 എമ്മി അവാര്‍ഡുകള്‍ കരസ്ഥമാക്കുകയെന്ന അസുലഭ നേട്ടത്തിന് അര്‍ഹനായ എബിസി ന്യൂസ് റിപ്പോര്‍ട്ടറും മലയാളിയുമായ ജോബിന്‍ പണിക്കരെ ഇന്ത്യാ പ്രസ് ക്ലബ് ഓഫ് നോര്‍ത്ത് ടെക്‌സാസ് കമ്മിറ്റി അനുമോദിച്ചു.
ലോക മലയാളികളുടെ അഭിമാന മുഹൂര്‍ത്തമാണിത്. ഒരൊറ്റ വര്‍ഷത്തില്‍ തന്നെ അത്യപൂര്‍വമായി 5 എമ്മി അവാര്‍ഡുകള്‍ കരസ്ഥമാക്കിയ ജോബി പണിക്കര്‍, മലയാളികള്‍ക്ക് എന്നും സുപരിചിതനാണ്. ഇന്ത്യ പ്രസ് ക്ലബ് ഓഫ് നോര്‍ത്ത് ടെക്‌സസിന്റെ ആരംഭ കാലം മുതല്‍ തന്നെ എല്ലാവിധ പ്രോത്സാഹനം നല്‍കുകയും , സംഘടയുടെ സുപ്രധാന ചടങ്ങുകളില്‍ പങ്കെടുകുന്നതില്‍ പ്രത്യേക താല്‍പര്യം പ്രകടിപ്പിക്കുകയും ചെയ്തിരുന്നതായി പ്രസിഡന്റ് സണ്ണി മാളിയേക്കല്‍ പറഞ്ഞു. ജോബി പണിക്കര്‍ സുതാര്യ മാധ്യമ പ്രവര്‍ത്തനത്തിലൂടെ നേടിയെടുത്ത എമ്മി അവാര്‍ഡ്, മാധ്യമ രംഗത്ത് പ്രവര്‍ത്തിക്കുന്ന എല്ലാവര്‍ക്കും ഉത്തേജനം നല്‍കുന്നതാണെന്നും പ്രസിഡന്റ് കൂട്ടിച്ചേര്‍ത്തു
ലോക മലയാളി സമൂഹത്തെ പിടിച്ചുലച്ച ഷെറിന്‍ മാത്യുസ് കൊലപാതകത്തിന്റെ പൊരുള്‍ തേടി, ഇന്‍വെസ്റ്റിഗേറ്റീവ് ജേര്‍ണലിസത്തിന്റെ സത്യസന്ധത മനസ്സിലാക്കിത്തന്ന ജോബിപണിക്കര്‍ അമേരിക്കന്‍ ദേശീയ പത്രങ്ങളുടെ ശ്രദ്ധ പി ടിച്ചുപറ്റിയിരുന്നു. മാധ്യമപ്രവര്‍ത്തന രീതി ജനാധിപത്യത്തിന്റെ നെടുംതൂനാണന്നു ജോബിന്‍ പണിക്കര്‍ ഒരിക്കല്‍ കൂടി തെളിയിച്ചതായി മാധ്യമ പ്രവര്‍ത്തകന്‍ പി പി ചെറിയാന്‍ അഭിപ്രായപ്പെട്ടു.
ഇന്ത്യ പ്രസ് ക്ലബ് ഓഫ് നോര്‍ത്ത് ടെക്‌സസ്, ഈ അവസരത്തില്‍ അഭിമാനപൂര്‍വ്വം ഈ സന്തോഷത്തില്‍ പങ്കു കൊള്ളുകയും, എല്ലാവിധ ആശംസകളും നേരുകയും ചെയ്യുന്നതായി സെക്രട്ടറി ബിജിലി ജോര്‍ജ് പറഞ്ഞു