കാന്ജ് ക്രിസ്മസ് ആഘോഷവും 2025 ജനറല് ബോഡി യോഗവും വിജയകരമായി സംഘടിപ്പിച്ചു .
ന്യൂജേഴ്സി - മഞ്ഞുതുള്ളികള് പോലെ സന്തോഷം പടര്ന്നൊഴുകുന്ന ക്രിസ്മസ് കാലത്ത്, കരോളുകളുടെ മധുരസ്വരങ്ങളും ഐക്യത്തിന്റെ സന്ദേശവും ഒന്നിച്ചുചേര്ന്ന മനോഹരമായ സന്ധ്യയായി കേരള അസോസിയേഷന് ഓഫ് ന്യൂജേഴ്സി (KANJ)യുടെ ക്രിസ്മസ് ആഘോഷം മാറി. 'Jingle Bells ' എന്ന പേരില് ഡിസംബര് 6-ന് സോമര്സെറ്റിലെ ടാഗോര് ഹാളില് സംഘടിപ്പിച്ച പരിപാടി സ്നേഹവും സൗഹൃദവും പങ്കുവെച്ച ഓര്മകളാല് സമ്പന്നമായി.
KANJ പ്രസിഡന്റ് സോഫിയ മാത്യുവിന്റെ നേതൃത്വത്തില് 2025 വര്ഷത്തെ സംഘടനാ പ്രവര്ത്തനങ്ങളുടെ അവലോകനവും നടന്നു. ഏകദേശം 40-ലധികം വിജയകരമായ പരിപാടികളോടെ ഉജ്ജ്വലമായ ഒരു വര്ഷമാണ് KANJ പിന്നിട്ടത്.
ചെറിയ കുട്ടികള്ക്കായി Little Star Reading Club, യുവജനതയ്ക്ക് വേണ്ടി KANJ Yuva, വനിതകളുടെ കൂട്ടായ്മയായി KANJ Women's Forum, IT മേഖലയില് പുതിയ മാറ്റങ്ങളെ ഉള്ക്കൊണ്ടുകൊണ്ട് KANJ IT Academy എന്നിവയിലൂടെ സമൂഹത്തിലെ എല്ലാ വിഭാഗങ്ങളെയും സ്പര്ശിച്ചുകൊണ്ടുള്ള പുതിയ പ്രവര്ത്തനങ്ങള്ക്ക് തുടക്കം കുറിച്ച് കൊണ്ടാണ് 2025-ലെ KANJ കമ്മിറ്റി കടന്നു പോയത്.
2025 ലെ കമ്മിറ്റി അംഗങ്ങള് ആയ സോഫിയ മാത്യു (പ്രസിഡന്റ് ), കുര്ഷിദ് ബഷീര് (സെക്രട്ടറി ), ജോര്ജി സാമൂവല് (ട്രഷറര്), വിജയ് നമ്പ്യാര് ( വൈസ് പ്രസിഡന്റ്), ദയ ശ്യാം ( ജോയിന്റ് സെക്രട്ടറി), കൃഷ്ണ പ്രസാദ് (ജോയിന്റ് ട്രഷറര്),സൂരജിത് കിഴക്കയില് (കള്ച്ചറല് അഫയേഴ്സ്), അസ്ലം ഹമീദ് (സ്പോര്ട്സ് അഫയേഴ്സ് ), നിധിന് ജോയ് ആലപ്പാട്ട് ( ഐ ടി ഓഫീസര് ), അനൂപ് മാത്യൂസ് രാജു (മീഡിയ ആന്ഡ് കമ്മ്യൂണിക്കേഷന്), ജയകൃഷ്ണന് എം മേനോന് ( ചാരിറ്റി അഫയേഴ്സ്), ടോണി മാങ്ങന് (പബ്ലിക് ആന്ഡ് സോഷ്യല് അഫയേഴ്സ്), രേഖ നായര് ( യൂത്ത് അഫയേഴ്സ്), ബിജു വര്ഗീസ് (എക്സ് ഓഫീഷ്യോ), എന്നിവര് പരിപാടികള്ക്ക് നേതൃത്വം നല്കി.
ക്രിസ്മസ് ആഘോഷങ്ങളുടെ ഭാഗമായി വിവിധ സാംസ്കാരിക പരിപാടികളും അരങ്ങേറി. Team Dho അവതരിപ്പിച്ച സംഗീത സായാഹ്നം ആഘോഷങ്ങള്ക്ക് പ്രത്യേക മോടി കൂട്ടി. കുട്ടികളുടെയും മുതിര്ന്നവരുടെയും സജീവ പങ്കാളിത്തം പരിപാടികള്ക്ക് അധിക ഊര്ജവും ഉത്സാഹവും നല്കി. ഐക്യവും സേവനവും സംസ്കാര പാരമ്പര്യവും മുന്നിര്ത്തിയ KANJയുടെ ദൗത്യത്തെ പ്രതിഫലിപ്പിക്കുന്ന തരത്തിലായിരുന്നു ഈ സംഗമം.
അതേ ദിവസം തന്നെ ഈ വര്ഷത്തെ ജനറല് ബോഡി യോഗവും നടന്നു. സംഘടനയുടെ ഭാവി പ്രവര്ത്തനങ്ങള്ക്ക് ദിശനിര്ദ്ദേശം നല്കുന്ന യോഗത്തില്, ട്രസ്റ്റി ബോര്ഡ് ചെയര്പേഴ്സണ് സ്വപ്ന രാജേഷിന്റെയും ജോസഫ് ഇടിക്കുള, വിജേഷ് കാരാട്ട് തുടങ്ങിയവര് അംഗങ്ങളായ ഇലക്ഷന് കമ്മീഷന്റെയും നേതൃത്വത്തില് 2026 വര്ഷത്തേക്കുള്ള പുതിയ കമ്മിറ്റി തിരഞ്ഞെടുപ്പ് നടത്തി. അംഗങ്ങളുടെ ഏകകണ്ഠ പിന്തുണയോടെ വിജയ് നമ്പ്യാര് പ്രസിഡന്റായും, ജോര്ജി സാമുവല് സെക്രട്ടറിയായും, കുര്ഷിദ് ബഷീര് ട്രഷററായും, ടോം നെറ്റിക്കാടന് വൈസ് പ്രസിഡന്റ് ആയും തിരഞ്ഞെടുക്കപ്പെട്ടു.
തുടര്ന്ന് നിയുക്ത പ്രസിഡന്റ് വിജയ് നമ്പ്യാര് കാന്ജ് ജനറല് ബോഡിയെ അഭിസംബോധന ചെയ്തുകൊണ്ട് സംസാരിച്ചു, കാന്ജിന്റെ 2026 ലെ കമ്മറ്റിയുടെ പ്രസിഡന്റായി തന്നെ തിരഞ്ഞെടുത്തതില് നന്ദിയും കടപ്പാടും അറിയിക്കുന്നു, നാല്പതിലധികം പരിപാടികള് ഒരു ടേമില് നടത്തപ്പെട്ട ഒരു വര്ഷമായിരുന്നു ഇത്, സോഫിയ മാത്യുവിന്റെ നേതൃത്വത്തില് ഉള്ള ഈ കമ്മറ്റിറ്റിയുടെ ഭാഗമാകുവാന് സാധിച്ചതില് അഭിമാനമുണ്ടെന്നും വരുന്ന ടേമില് കൂടുതല് നല്ല പ്രവര്ത്തനങ്ങളുമായി നിങ്ങളോടൊപ്പമുണ്ടാകുമെന്നും നിങ്ങളേവരുടെയും സഹകരണം എല്ലാ പ്രവര്ത്തനങ്ങളിലും ഉണ്ടാവണമെന്നും വിജയ് നമ്പ്യാര് അറിയിച്ചു,
സ്നേഹവും സന്തോഷവും പങ്കുവെച്ചുകൊണ്ട്, സംഘടനയിലെ അംഗങ്ങള് തമ്മിലുള്ള ബന്ധം കൂടുതല് ശക്തമാക്കിയ ഈ ക്രിസ്മസ് ആഘോഷവും ജനറല് ബോഡി യോഗവും വിജയകരമായി സമാപിച്ചു.
വിവരങ്ങള്ക്ക് കടപ്പാട് - സോഫിയ മാത്യു
വാര്ത്ത - ജോസഫ് ഇടിക്കുള