ഡെന്‍വറില്‍ നാല് പേര്‍ക് കുത്തേറ്റു; ഫ്‌ലൈറ്റ് അറ്റന്‍ഡന്റ് ഉള്‍പ്പെട രണ്ടു മരണ; പ്രതി അറസ്റ്റില്‍
ഡെന്‍വര്‍: വാരാന്ത്യത്തില്‍ ഡെന്‍വറിലെ 16-ാം സ്ട്രീറ്റ് മാളില്‍ നാല് പേര്‍ക് കുത്തേറ്റു.മാരകമായി കുത്തേറ്റ അമേരിക്കന്‍ എയര്‍ലൈന്‍സ് ഫ്‌ലൈറ്റ് അറ്റന്‍ഡന്റ് ഉള്‍പ്പെട രണ്ടുപേര്‍ കൊല്ലപ്പെടുകയും രണ്ടുപേര്‍ക്ക് പരിക്കേല്‍ക്കുകയും ചെയ്തതായി ഡെന്‍വര്‍ പോലീസ് ഡിപ്പാര്‍ട്ട്മെന്റ് അറിയിച്ചു. കേസില്‍ പ്രതിയായ ആളെ തിരിച്ചറിഞ്ഞു, 24 കാരനായ എലിജ കൗഡില്‍ നിലവില്‍ സംശയത്തിന്റെ പേരില്‍ അറസ്റ്റിലായിട്ടുണ്ട്:
ശനിയാഴ്ച വൈകുന്നേരം നടന്ന മൂന്നും ഞായറാഴ്ച രാത്രി നടന്ന മാരകമായ മറ്റൊരു കത്തി കുത്തിനോടും അനുബന്ധിച്ചാണ് കൗഡിലിനെ അറസ്റ്റ് ചെയ്തതെന്ന് ഡെന്‍വര്‍ പോലീസ് അറിയിച്ചു.2 ഫസ്റ്റ്-ഡിഗ്രി കൊലപാതകം,രണ്ട് കൊലപാതകശ്രമങ്ങള്‍ക് തിങ്കളാഴ്ച രാവിലെ അദ്ദേഹത്തെ കോടതിയില്‍ ഹാജരാക്കി ,തുടര്‍ന്ന് ജാമ്യമില്ലാതെ തടവിലാക്കുകയായിരുന്നു.
ശനിയാഴ്ച വൈകുന്നേരം 5 നും 6 നും ഇടയിലായിരുന്നു സംഭവം . ഇരകളില്‍ ഒരാള്‍ - ഡെന്‍വറില്‍ വിശ്രമത്തിനായി പോയ ഒരു ഫ്‌ലൈറ്റ് അറ്റന്‍ഡന്റ് - കൊല്ലപ്പെട്ടു. ഫീനിക്‌സിലെ 9NEWS സഹോദര സ്റ്റേഷന്‍ KPNX നോട് സംസാരിച്ച ഒരു കുടുംബാംഗം ശനിയാഴ്ച കൊല്ലപ്പെട്ട സ്ത്രീ സെലിന്‍ഡ ലെവ്‌നോയാണെന്ന് തിരിച്ചറിഞ്ഞു.
1989-ല്‍ അമേരിക്ക വെസ്റ്റില്‍ തന്റെ കരിയര്‍ ആരംഭിച്ച ഫീനിക്‌സ് ആസ്ഥാനമായുള്ള ഫ്‌ലൈറ്റ് അറ്റന്‍ഡന്റ്, ഡൗണ്ടൗണ്‍ ഡെന്‍വറില്‍ വിശ്രമത്തിലിരിക്കെ ഒരു ദുരന്തത്തില്‍' മരിച്ചുവെന്ന് അസോസിയേഷന്‍ ഓഫ് പ്രൊഫഷണല്‍ ഫ്‌ലൈറ്റ് അറ്റന്‍ഡന്റ്‌സ് ഞായറാഴ്ച ഒരു പ്രസ്താവന അയച്ചു.
മറ്റ് രണ്ട് ഇരകള്‍ക്കും ജീവന്‍ ഭീഷണിയല്ലാത്ത പരിക്കുകള്‍ സംഭവിച്ചു. നാലാമത്തെ ആള്‍ - ഒരു പുരുഷന് - ഞായറാഴ്ച രാത്രി 8 മണിയോടെ കുത്തേറ്റു. പരിക്കുകള്‍ മൂലം അദ്ദേഹം മരിച്ചു.
ആഡംസ് കൗണ്ടിയില്‍ കൗഡിലിന് മുമ്പ് നിരവധി അറസ്റ്റുകള്‍ ഉള്ളതായി കോടതി രേഖകള്‍ കാണിക്കുന്നു. 2021-ലെ ഒരു കേസില്‍, ഒരാളെ പിന്തുടരുകയും കത്തി കാണിച്ച് ഭീഷണിപ്പെടുത്തുകയും ചെയ്തതിന് അയാള്‍ക്കെതിരെ കേസെടുത്തിരുന്നു
മൂന്നാം ഡിഗ്രി ആക്രമണത്തിന് കുറ്റം സമ്മതിച്ച അദ്ദേഹം തുടക്കത്തില്‍ പ്രൊബേഷന്‍ ശിക്ഷയ്ക്ക് വിധിക്കപ്പെട്ടെങ്കിലും പിന്നീട് അത് റദ്ദാക്കി.