ടെസ്ല ചാര്ജിംഗ് യൂണിറ്റില് നിന്ന് വന് തീപിടുത്തം;ടെക്സാസിലെ ലൂയിസ്വില്ലില് വീടിന് വ്യാപകമായ നാശനഷ്ടം
ലൂയിസ്വില്(ടെക്സാസ്) :ടെക്സാസിലെ ലൂയിസ്വില് നഗരത്തില് ടെസ്ല ചാര്ജിംഗ് യൂണിറ്റില് നിന്നുണ്ടായ തീപിടുത്തത്തില് ഒരു വീടിന് സാരമായ കേടുപാടുകള് സംഭവിച്ചതായി അധികൃതര് സ്ഥിരീകരിച്ചു. തിങ്കളാഴ്ച ഉച്ചയ്ക്ക് 12:30 ഓടെയാണ് സംഭവം.
ഗാരേജിലെ കാര് ചാര്ജര് ഉപകരണത്തില് നിന്നാണ് തീ പടര്ന്നതെന്ന് നഗര വക്താവ് മാറ്റ് മാര്ട്ടുച്ചി ഫോക്സ് ന്യൂസ് ഡിജിറ്റലിനോട് പറഞ്ഞു. തീവ്രമായ ഈ തീപിടുത്തം ഗാരേജിനുള്ളില് പാര്ക്ക് ചെയ്തിരുന്ന ഒരു ലെക്സസ് വാഹനത്തിനും വീടിന്റെ മുകളിലത്തെ നിലകള്ക്കും കാര്യമായ നാശനഷ്ടമുണ്ടാക്കി. പൂര്ണ്ണമായി കത്തിനശിച്ച ലെക്സസ് വാഹനവും, മേല്ക്കൂരയില് വലിയ ദ്വാരങ്ങളുള്ള വീടും ദൃശ്യങ്ങളില് കാണാം.
വീട്ടുടമസ്ഥ ടെസ്ല ചാര്ജ് ചെയ്യാന് പ്ലഗ് ഇന് ചെയ്തതിന് ശേഷം തിരികെ വീട്ടിലെത്തിയപ്പോഴാണ് ചാര്ജിംഗ് യൂണിറ്റില് തീപിടിക്കുന്നത് കണ്ടതെന്ന് മാര്ട്ടുച്ചി അറിയിച്ചു. ഉടന് തന്നെ ടെസ്ല ഗാരേജില് നിന്ന് മാറ്റി തെരുവില് പാര്ക്ക് ചെയ്തതിനാല് വാഹനത്തിന് കേടുപാടുകള് സംഭവിച്ചില്ല.