ഫെഡെക്‌സ് നോര്‍ത്ത് ടെക്‌സസ് കേന്ദ്രം അടച്ചുപൂട്ടുന്നു; 850-ല്‍ അധികം ജീവനക്കാര്‍ക്ക് ജോലി നഷ്ടമാകും
By : സ്വന്തം ലേഖകൻ
Update: 2025-11-28 14:17 GMT
കോപ്പല്‍(ടെക്‌സസ്):ഫെഡെക്‌സ് സപ്ലൈ ചെയിന്‍ ലോജിസ്റ്റിക്‌സ് & ഇലക്ട്രോണിക്‌സ്, ഇന്‍ക്. (FedEx Supply Chain Logistics & Electronics, Inc.) നോര്‍ത്ത് ടെക്‌സാസിലെ കോപ്പലിലുള്ള തങ്ങളുടെ കേന്ദ്രം ഉടന്‍ അടച്ചുപൂട്ടുന്നു. ഇത് 850-ല്‍ അധികം ജീവനക്കാര്‍ക്ക് ജോലി നഷ്ടപ്പെടാന്‍ കാരണമാകും.
2026-ല്‍ കോപ്പല്‍ കേന്ദ്രം അടച്ചുപൂട്ടുമ്പോള്‍ 850-ല്‍ ഏറെ ജീവനക്കാരെ പിരിച്ചുവിടേണ്ടി വരുമെന്ന് കമ്പനി അറിയിച്ചു.
തൊഴിലാളികളുടെ പുനഃക്രമീകരണത്തിനും പരിശീലനത്തിനുമുള്ള നിയമപരമായ ബാധ്യതകള്‍ (Worker Adjustment and Retraining Notification - WARN Act) പാലിക്കുന്നതിന്റെ ഭാഗമായി കഴിഞ്ഞ ആഴ്ച അവസാനം ടെക്‌സാസ് വര്‍ക്ക്ഫോഴ്‌സ് കമ്മീഷന് (Texas Workforce Commission) കമ്പനി ഇതുസംബന്ധിച്ച കത്ത് സമര്‍പ്പിച്ചു.