അരിസോണയില്‍ ഡ്യൂട്ടിക്കിടെ മുഖത്ത് വെടിയേറ്റ് പോലീസ് ഉദ്യോഗസ്ഥന്‍ മരിച്ചു
അപ്പാച്ചെ ജംഗ്ഷന്‍
(അരിസോണ):അരിസോണയില്‍ ഡ്യൂട്ടിക്കിടെ വെടിയേറ്റ ഒരു പോലീസ് ഉദ്യോഗസ്ഥന്‍ ജൂണ്‍ 8 ഞായറാഴ്ച മരിച്ചതായി വകുപ്പ് അറിയിച്ചു.
അപ്പാച്ചെ ജംഗ്ഷന്‍ പോലീസ് ഡിപ്പാര്‍ട്ട്മെന്റില്‍ മൂന്ന് വര്‍ഷത്തെ പരിചയസമ്പന്നനായ ഓഫീസര്‍ ഗബ്രിയേല്‍ ഫാസിയോയാണ് അന്തരിച്ചത്.കഴിഞ്ഞ തിങ്കളാഴ്ച രാവിലെയായിരുന്നു സംഭവം ഒരു ഡ്രൈവര്‍ തോക്ക് പുറത്തെടുത്ത ഒരു റോഡിലെ സംഭവത്തെക്കുറിച്ച് ഉദ്യോഗസ്ഥര്‍ക്ക് അറിയിപ്പ് ലഭിച്ചു. സ്ഥലത്തെത്തിയ പോലീസ് 37 കാരനായ റോജര്‍ നുനെസ് എന്ന ഡ്രൈവറെ തടഞ്ഞു.
തുടക്കത്തില്‍, അദ്ദേഹം പോലീസുമായി സഹകരിച്ചുവെങ്കിലും കാറില്‍ നിന്ന് ഇറങ്ങാന്‍ ആവശ്യപ്പെട്ടപ്പോള്‍ അയ്യാള്‍ ആക്രമണകാരിയായി.തുടര്‍ന്ന് നുനെസ് തന്റെ ഗ്ലൗസ് കമ്പാര്‍ട്ടുമെന്റില്‍ നിന്ന് ഒരു തോക്ക് പുറത്തെടുത്ത് സംഭവസ്ഥലത്ത് നിന്ന് നടന്നു നീങ്ങിയെന്ന് അന്വേഷകര്‍ പറയുന്നു.
നില്ക്കാന്‍ ഉദ്യോഗസ്ഥര്‍ പറഞ്ഞെങ്കിലും അദ്ദേഹം വിസമ്മതിച്ചു നുനെസിനെ തടയാന്‍ അധികാരികള്‍ ശ്രമിച്ചു, പക്ഷേ ഫലമുണ്ടായില്ല. തുടര്‍ന്ന് അയാള്‍ നാല് റൗണ്ട് വെടിയുതിര്‍ത്തുവെന്നും ഓഫീസര്‍ ഫാസിയോയുടെ മുഖത്ത് വെടിയേറ്റതായും ഉദ്യോഗസ്ഥര്‍ പറയുന്നു.'തുടര്‍ന്ന് വെടിവയ്ക്കാന്‍' ഉദ്യോഗസ്ഥര്‍ നിര്‍ബന്ധിതരായി. നിരവധി ഉദ്യോഗസ്ഥര്‍ തിരിച്ചു വെടിയുതിര്‍ക്കുകയും നുനെസിന് പരിക്കേല്‍ക്കുകയും ചെയ്തു. അത്യന്തം ഗുരുതരാവസ്ഥയില്‍ അദ്ദേഹത്തെ ആശുപത്രിയില്‍ എത്തിച്ചു.
അപ്പാച്ചെ ജംഗ്ഷന്‍ പോലീസ് വകുപ്പിന് ഇത് ആദ്യത്തെ ലൈന്‍-ഓഫ്-ഡ്യൂട്ടി മരണമാണ്. അവസാനമായി ഒരു ഉദ്യോഗസ്ഥനെ നഷ്ടപ്പെട്ടത് 1987-ല്‍ ഒരു പരിശീലന അപകടത്തിനിടെയായിരുന്നു.അപ്പാച്ചെ ജംഗ്ഷന്‍ പോലീസ് വകുപ്പില്‍ ചേരുന്നതിന് മുമ്പ്, അദ്ദേഹം ഫീനിക്‌സില്‍ ഒരു പോലീസ് ഉദ്യോഗസ്ഥനായിരുന്നു, താഴ്വരയിലെ മറ്റ് നിരവധി നിയമ നിര്‍വ്വഹണ ഏജന്‍സികളുമായി പ്രവര്‍ത്തിച്ചു.ഓഫീസര്‍ ഫാസിയോക്ക് ഭാര്യയും രണ്ട് കുട്ടികളും ഉണ്ട്പ്രതി ന്യൂനെസ് ഇപ്പോഴും ആശുപത്രിയിലാണെന്നും ഇപ്പോള്‍ കൊലപാതകക്കുറ്റം ചുമത്തിയിരിക്കുകയാണെന്നും പോലീസ് പറയുന്നു.