ഒക്കലഹോമ സ്റ്റേറ്റ് യൂണിവേഴ്‌സിറ്റിയില്‍ വെടിവയ്പ്പ്: മൂന്ന് പേര്‍ക്ക് പരിക്ക്
ഒക്ക്‌ലഹോമ: ഒക്ലഹോമയിലെ സ്റ്റില്‍വാട്ടറില്‍ സ്ഥിതി ചെയ്യുന്ന ഒക്ക്‌ലഹോമ സ്റ്റേറ്റ് യൂണിവേഴ്‌സിറ്റിയിലെ റെസിഡന്‍ഷ്യല്‍ ഹാളിന് പുറത്തുണ്ടായ വെടിവെപ്പില്‍ മൂന്ന് പേര്‍ക്ക് പരിക്കേറ്റതായി പൊലീസ് അറിയിച്ചു. പരിക്കേറ്റവരില്‍ ഒരാള്‍ യൂണിവേഴ്‌സിറ്റി വിദ്യാര്‍ത്ഥിയാണ്.
ഒക്ടോ:19-ന് പുലര്‍ച്ചെ 3:40ഓടെയാണ് കാര്‍റിക്കര്‍ ഈസ്റ്റ് റെസിഡന്‍ഷ്യല്‍ ഹാളിന് സമീപം വെടിവെപ്പ് നടന്നത്. ക്യാമ്പസിന് പുറത്തുള്ള സ്വകാര്യ പാര്‍ട്ടിക്കു ശേഷം ചിലര്‍ യൂണിവേഴ്‌സിറ്റിയിലേക്ക് തിരിച്ചെത്തിയപ്പോഴാണ് വെടിവെപ്പ് ഉണ്ടായതെന്ന് പൊലീസ് പറഞ്ഞു.
മൂന്നു പേരെയും ഒക്ക്‌ലഹോമ സിറ്റി, ടള്‍സയിലെ ആശുപത്രികളിലേക്ക് മാറ്റി. കുറ്റവാളികളെ ഇനിയും അറസ്റ്റ് ചെയ്തിട്ടില്ല.വെടിവെപ്പിന്റെ സാഹചര്യത്തില്‍ അന്വേഷണം പുരോഗമിക്കുകയാണ്. പ്രശ്നത്തിന്റെ തുടക്കം സ്റ്റില്‍വാട്ടറിലെ പെയിന്‍ കൗണ്ടി എക്‌സ്‌പോ സെന്ററില്‍ നടന്ന പാര്‍ട്ടിയിലുണ്ടായ തര്‍ക്കമാണെന്ന് പൊലീസ് പറഞ്ഞു.സംഭവത്തെകുറിച്ചു വിവരം ലഭികുന്നവര്‍ ഒഎസ്യു പൊലീസ് ഡിപ്പാര്‍ട്‌മെന്റുമായി ബന്ധപ്പെടണമെന്ന് അഭ്യര്‍ത്ഥിച്ചിട്ടുണ്ട്