ഇന്റര്‍നാഷണല്‍ പ്രയര്‍ലൈന്‍ സമ്മേളനത്തില്‍ ഹൃദയ സ്പര്‍ശിയായ അനുഭവങ്ങള്‍ പങ്കു വെച്ച് ഡോ. ബാബു കെ. വര്‍ഗീസ്
ഹൂസ്റ്റണ്‍ :ഹൂസ്റ്റണ്‍ ആസ്ഥാനമായി പ്രവര്‍ത്തിച്ചുവരുന്ന ഇന്റര്‍നാഷണല്‍ പ്രയര്‍ലൈന്‍ മാര്‍ച്ച് 11 ചൊവാഴ്ച സംഘടിപ്പിച്ച 565-ാമത് സമ്മേളനത്തില്‍ ബൈബിള്‍ അധ്യാപകന്‍, പത്രപ്രവര്‍ത്തകന്‍, എഴുത്തുകാരന്‍, ചരിത്രകാരന്‍ എന്നീ നിലകളില്‍ അറിയപ്പെടുന്ന ഡോ. ബാബു കെ. വര്‍ഗീസ്, ബോംബെ മുഖ്യ സന്ദേശം നല്‍കി
ഇന്ത്യയില്‍ ക്രൈസ്തവര്‍ നേരിടുന്ന പീഡനങ്ങളെ കുറിച്ച് നേരിട്ടുള്ള തന്റെ ഹൃദയ സ്പര്‍ശിയായ അനുഭവങ്ങള്‍ അദ്ദേഹം സമ്മേളനത്തില്‍ പങ്കുവെച്ചു.
ജോസഫ് പി. രാജു, പ്രസിഡന്റ് ഗോസ്പല്‍ മിഷന്‍ ഓഫ് ഇന്ത്യ, ഡിട്രോയിറ്റ്, മിഷിഗണ്‍ പ്രാരംഭ പ്രാര്‍ത്ഥനയോടെ യോഗം ആരംഭിച്ചു .വടക്കേ ഇന്ത്യയിലെ ക്രിസ്ത്യാനികള്‍ നേരിടുന്ന പീഡനങ്ങള്‍, ശത്രുത, വെല്ലുവിളികള്‍ എന്നിവയെക്കുറിച്ചുള്ള നേരിട്ടുള്ളതും കൃത്യവുമായ വിവരങ്ങള്‍ ഡോ. ബാബു വര്‍ഗീസ് സമ്മേളനത്തില്‍ പങ്കിടുമെന്നും നിങ്ങളുടെ പ്രാര്‍ത്ഥനാപൂര്‍വ്വമായ പങ്കാളിത്തം ഇന്ത്യയിലും ലോകമെമ്പാടും വിശ്വാസത്തിന്റെ പേരില്‍ പീഡിപ്പിക്കപ്പെടുന്നവരുമായി നിലകൊള്ളുന്നതില്‍ നമ്മുടെ ഐക്യം, ഐക്യദാര്‍ഢ്യം, പ്രതിബദ്ധത എന്നിവ പ്രകടമാക്കുന്നതിനുള്ള അവസരമാണിതെന്നും സ്വാഗതമാശംസിച്ചുകൊണ്ടു ഐപിഎല്‍ കോര്‍ഡിനേറ്റര്‍ സി. വി. സാമുവേല്‍ ആമുഖമായി പറഞ്ഞു.തുടര്‍ന്ന് മുഖ്യതിഥി ഡോ. ബാബു വര്‍ഗീസിനെ പരിചയപ്പെടുത്തുകയും മുഖ്യ സന്ദേശം നല്‍കുന്നതിനു ക്ഷണിക്കുകയും ചെയ്തു.
ഫിലിപ്പ് മാത്യു (ഷാജി),ഡാളസ്, മദ്ധ്യസ്ഥ പ്രാര്‍ത്ഥനയ്ക്കു നേതൃത്വം നല്‍കി.ഐ പി എല്‍ സംഘടിപ്പിക്കുന്ന പ്രതിവാര പ്രാര്‍ത്ഥനാ യോഗങ്ങളില്‍ നാനൂറിലധികം പേര്‍ ലോകത്തിന്റെ വിവിധ ഭാഗങ്ങളില്‍ നിന്നും സംബന്ധിച്ചിരുന്നുവെന്നു കോര്‍ഡിനേറ്റര്‍ ടി.എ. മാത്യു പറഞ്ഞു.തുടര്‍ന്ന് നന്ദി രേഖപ്പെടുത്തി .സമാപന പ്രാര്‍ത്ഥനയും ആശീര്‍വാദവും:പാസ്റ്റര്‍ ഡോ. എം. എസ്. സാമുവല്‍, ന്യൂയോര്‍ക്ക് നിര്‍വഹിച്ചു.ഷിബു ജോര്‍ജ് ഹൂസ്റ്റണ്‍, ജോസഫ് ടി ജോര്‍ജ്ജ് (രാജു), ഹൂസ്റ്റണ്‍ എന്നിവര്‍ ടെക്നിക്കല്‍ കോര്‍ഡിനേറ്ററായിരുന്നു.