ഹ്യൂസ്റ്റണ്‍ വേള്‍ഡ് മലയാളി കൗണ്‍സിലിന് നവനേതൃത്വം. അഡ്വ: ലാല്‍ എബ്രഹാം ചെയര്‍മാന്‍, തോമസ് സ്റ്റീഫന്‍ പ്രസിഡന്റ്
ഹ്യൂസ്റ്റണ്‍ : ആഗോള സംഘടനയായ വേള്‍ഡ് മലയാളി കൗണ്‍സില്‍ ഹ്യൂസ്റ്റണ്‍ പ്രൊവിന്‍സ് ചെയര്‍മാനായി അഡ്വ: ലാല്‍ അബ്രഹാമിനെയും പ്രസിഡന്റായി തോമസ് സ്റ്റീഫനെയും തെരഞ്ഞെടുത്തു.
അല്ലി ജോപ്പന്‍ ( വൈസ് ചെയര്‍ പേഴ്‌സണ്‍) ബിജു എബ്രഹാം ( വൈസ് പ്രസിഡന്റ് അഡ്മിന്‍), സായി ഭാസ്‌കര്‍ (വൈസ് പ്രസിഡന്റ് ഓര്‍ഗനൈസേഷന്‍ ), ജോണ്‍ വര്‍ഗീസ് ( ജോയിന്റ് സെക്രട്ടറി ), മാമന്‍ ജോര്‍ജ് ( ട്രഷറര്‍), ചെറിയാന്‍ മാത്യു ( ജോയിന്റ് ട്രഷറര്‍) ,ഡോ:അലോണ ജോപ്പന്‍ ( യൂത്ത് ഫോറം chair) എന്നിവരാണ് മറ്റു ഭാരവാഹികള്‍.
ഗ്ലോബല്‍ പ്രസിഡന്റ് തോമസ് മൊട്ടക്കല്‍ , സെക്രട്ടറി ജനറല്‍ ദിനേശ് നായര്‍, ട്രഷറര്‍ ഷാജി മാത്യു, അഡ്മിന്‍ വൈസ് പ്രസിഡന്റ് ജെയിംസ് കൂടല്‍, വൈസ് പ്രസിഡന്റ് ഡോ . തങ്കം അരവിന്ദ് , ജോയിന്റ് ട്രഷറര്‍ ഡോ ഷിബു സാമുവേല്‍ എനിവര്‍ പുതിത ഭാരവാഹികളെ അഭിനന്ദിച്ചു.
ജൂലായ് 25 മുതല്‍ മുന്ന് ദിവസം ബാങ്കോക്കില്‍ നടത്തുന്ന വേള്‍ഡ് മലയാളി കൗണ്‍സിലിന്റെ പതിനാലാമത് ആഗോള ദ്വിവത്സര സമ്മേളനത്തിന് ഹ്യൂസ്റ്റണ്‍ പ്രോവിന്‍സിന്റെ പിന്തുണയും സജീവ പങ്കാളിത്തവും ഉണ്ടാകണമെന്ന് സംഘടക സമിതി ചെയര്‍മാന്‍ ഡോ. ബാബു സ്റ്റീഫന്‍ (യു. എസ്. എ) , അജോയ് കല്ലന്‍കുന്നില്‍ (തായ്‌ലാന്‍ഡ്) ജനറല്‍ കണ്‍വീനര്‍, സുരേന്ദ്രന്‍ കണ്ണാട്ട് (ഹൈദരാബാദ്) വൈസ് ചെയര്‍മാന്‍ എന്നിവര്‍ അഭ്യര്‍ത്ഥിച്ചു
WMC യില്‍ പുതിയ അംഗത്വം എടുക്കുന്നതിനും, ബാങ്കോക്കില്‍ ബൈനിയല്‍ കോണ്‍ഫെറെന്‍സില്‍ പങ്കെടുക്കാനുള്ള രെജിസ്‌ട്രേഷനും നിരവധി പേര്‍ തുടക്കം കുറിച്ചു. ജൂലായ് 25 മുതല്‍ മുന്ന് ദിവസം ബാങ്കോക്കില്‍ നടത്തുന്ന വേള്‍ഡ് മലയാളി കൗണ്‍സിലിന്റെ പതിനാലാമത് ദ്വിവത്സര സമ്മേളനത്തിന്റെ വിജയത്തിനായി 101 അംഗ സംഘടക സമിതി രൂപീകരിച്ചു പ്രവര്‍ത്തിച്ചു വരുന്നു
1995ല്‍ അമേരിക്കയിലെ ന്യൂ ജേഴ്‌സിയില്‍ ടി. എന്‍. ശേഷന്‍, കെ. പി. പി. നമ്പ്യാര്‍, ഡോ. ബാബു പോള്‍, ഡോ.ടി. ജി. എസ്.സുദര്‍ശന്‍ തുടങ്ങിയ പ്രഗത്ഭമതികള്‍ ആരംഭിച്ച പ്രവാസി മലയാളികളുടെ ഈ ആഗോള പ്രസ്ഥാനം ഇന്ന് അമ്പതിലേറെ രാജ്യങ്ങളില്‍ ശാഖകള്‍ ഉള്ള ഏറ്റവും വലിയ ആഗോള മലയാളി പ്രസ്ഥാനമാണ്.