തിരുവനന്തപുരം: 2018 ജൂണിൽ ആരംഭിക്കുന്ന ജൂനിയർ ഡിപ്ലോമ ഇൻ കോ-ഓപ്പറേഷൻ (ജെ.ഡി.സി) കോഴ്സിന് അപേക്ഷ ക്ഷണിച്ചു. അപേക്ഷഫാറം മാർച്ച് 31 വരെ എല്ലാ സഹകരണ പരിശീലന കേന്ദ്രങ്ങളിലും, പാലാ, തിരൂർ, ആറന്മുള, നോർത്ത് പറവൂർ, തലശ്ശേരി എന്നിവിടങ്ങളിലെ സഹകരണ പരിശീലന കോളേജുകളിലും ലഭിക്കും.

അപേക്ഷകർ എസ്.എസ്.എൽ.സി. പാസായവരും ഗ്രേഡിങ് സമ്പ്രദായത്തിൽ എല്ലാ വിഷയങ്ങൾക്കും ഡി പ്ലസ് ഗ്രേഡെങ്കിലും നേടി ജയിച്ചവരുമാകണം. 2018 ജൂൺ ഒന്നിന് 16 വയസ് പൂർത്തിയായവരും, 40 വയസ് കഴിഞ്ഞിട്ടില്ലാത്തവരുമായിരിക്കണം. ഉയർന്ന പ്രായപരിധി പട്ടികജാതി/പട്ടികവർഗ വിഭാഗത്തിൽപ്പെട്ടവരുടെത് 45 വയസ്സും, ഒ.ബി.സി. വിഭാഗക്കാർക്ക് 43 വയസുമാണ്. സഹകരണ സംഘം ജീവനക്കാർക്ക് ഉയർന്ന പ്രായപരിധി ബാധകമല്ല.

പൂരിപ്പിച്ച അപേക്ഷാ ഫാറം ബന്ധപ്പെട്ട സഹകരണ പരിശീലന കേന്ദ്രം/കോളേജ് പ്രിൻസിപ്പാളിന്റെ മേൽവിലാസത്തിൽ മാർച്ച് 31 നകം ലഭിക്കണം. കൂടുതൽ വിവരങ്ങൾ www.scukerala.org ൽ ലഭ്യമാണ്.