തകർപ്പൻ ഡാൻസുമായി വിജയ്; ബീസ്റ്റിലെ അറബിക് കുത്ത് ഗാനത്തിന്റെ വീഡിയോ ഏറ്റെടുത്ത് ആരാധകർ; ചിത്രത്തിലെ വിജയിയുടെ കഥാപാത്രത്തെക്കുറിച്ചുള്ള സൂചനകളും പുറത്ത്

ചെന്നൈ: സമൂഹമാധ്യമങ്ങളിൽ വൈറലായി വിജയ് ചിത്രം ബീസ്റ്റിലെ ഗാനവും നൃത്തവും. ഇനി റീൽസിൽ ബീസ്റ്റ് തരംഗം എന്ന് കുറിച്ചാണ് ആരാധകർ ലിറിക്കൽ വീഡിയോയ്ക്ക് ഇടയിലുള്ള വിജയ്‌യുടെ ഡാൻസ് പങ്കുവയ്ക്കുന്നത്. സിനിമയിലെ 'അറബിക് കുത്തു' എന്ന ഗാനത്തിന്റെ ലിറിക്കൽ വീഡിയോ ആണ് അണിയറക്കാർ പുറത്തുവിട്ടത്.

നെൽസണൺ ദിലീപ്കുമാർ - വിജയ് ചിത്രം 'ബീസ്റ്റി'ലെ ആദ്യഗാനത്തിന്റെ ലിറിക്കൽ വീഡിയോയാണ് പുറത്തിറങ്ങിയത്. അനിരുദ്ധ് രവിചന്ദറാണ് സംഗീത സംവിധായകൻ. ശിവകാർത്തികേയനാണ് രചന. അനിരുദ്ധും ജോണിത ഗാന്ധിയും ചേർന്നാണ് ആലാപനം.ഡോക്ടറിന് നെൽസൺ സംവിധാനം ചെയ്യുന്ന ചിത്രമാണ് ബീസ്റ്റ്. വിജയുടെ കരിയറിലെ അറുപത്തിയഞ്ചാമത്തെ ചിത്രമാണിത്.സൺ പിക്ച്ചേഴ്സ് നിർമ്മിക്കുന്ന ചിത്രത്തിൽ പൂജ ഹെഗ്ഡേയാണ് നായിക

ഡോക്ടറിന് ശേഷം നെൽസൺ ദിലീപ്കുമാർ സംവിധാനം ചെയ്യുന്ന ചിത്രമാണ് ബീസ്റ്റ്. വിജയുടെ കരിയറിലെ അറുപത്തിയഞ്ചാമത്തെ ചിത്രമാണിത്. സൺ പിക്ച്ചേഴ്സ് നിർമ്മിക്കുന്ന ചിത്രത്തിൽ പൂജ ഹെഗ്ഡേയാണ് നായിക.

ഗാനത്തിന്റെ ലിറിക്കൽ വീഡിയോ പുറത്തിറങ്ങിയതിന് പിന്നാലെ രണ്ട് കോടി അമ്പതിനായിരത്തിലേറെ പേരാണ് മണിക്കൂറുകൾക്കുള്ളിൽ വീഡിയോ കണ്ടത്. മികച്ച പ്രതികരണമാണ് ഗാനത്തിന് ലഭിക്കുന്നത്.

ദളപതി 65 എന്ന് നേരത്തെ പേരിട്ടിരുന്ന ചിത്രത്തിലെ വിജയിയുടെ കഥാപാത്രത്തെക്കുറിച്ചുള്ള സൂചനകളും പുറത്ത് വന്നിരുന്നു. ഇതുവരെ കാണാത്ത റോളിലാകും വിജയ് ചിത്രത്തിലെത്തുക. ആക്ഷൻ ത്രില്ലറായി ഒരുക്കുന്ന ചിത്രത്തിൽ ആളുകളെ കബളിപ്പിക്കുന്നതിൽ പ്രഗത്ഭനായ ഒരാളുടെ വേഷമാവും വിജയ് കൈകാര്യം ചെയ്യുക. ചിത്രത്തിൽ . പ്രതിനായക വേഷത്തിലെത്തുന്നത് ബോളിവുഡ് താരം നവാസുദീൻ സിദ്ദിഖിയാണെന്ന് റിപ്പോർട്ടുകളുണ്ട്.