ഫീനിക്‌സ്: അരിസോണ മലയാളി അസോസിയേഷന്റെ തിരുവോണം 2014ഉം, സംഘടനയുടെ മുഖപത്രമായ 'തനിമ'യുടെ പ്രകാശനവും സെപ്റ്റംബർ 20ന് ഉച്ചകഴിഞ്ഞ് ഇൻഡോ അമേരിക്കൻ സെന്ററിൽ വച്ച് നടത്തും. രാവിലെ നടക്കുന്ന പൂക്കള മത്സരത്തിന് മഞ്ജു നായർ നേതൃത്വം നൽകും.

ജോസഫ് വടക്കേലും, വിദ്യാ വാര്യരും അംഗങ്ങളെ പ്രധാന കവാടത്തിൽ സ്വീകരിക്കും. ജാൻ മംഗലത്ത് ഓണപ്പുടവ നൽകി അംഗങ്ങളെ ആദരിക്കും. സാസ്‌കാരിക സെക്രട്ടറി സജിത് തൈവളപ്പിൽ എല്ലാവരേയും സമ്മേളനത്തിലേക്ക് ആനയിക്കും. ഡയറക്ടർ ബോർഡ് അംഗങ്ങൾ തിരി തെളിയിക്കുന്നതോടുകൂടി സമ്മേളനത്തിന് തുടക്കം കുറിക്കും. തുടർന്ന് കുട്ടികളുടേയും മുതിർന്നവരുടേയും കലാസന്ധ്യ അരങ്ങേറും. പ്രധാന അവതാരകരായി തോമസ് അപ്രേമും, ശില്പാ ചന്ദ്രയും പ്രവർത്തിക്കും.

അസോസിയേഷന്റെ മുഖപത്രമായ 'തനിമ' ഇന്ത്യാ അസോസിയേഷൻ പ്രസിഡന്റ് മുരുകൻ കെ. പാഥം ആദ്യ കോപ്പി ചീഫ് എഡിറ്റർ സജിത്ത് തൈവളപ്പിനു നൽകി പ്രകാശനം ചെയ്യും. ബിനോയ് വാര്യർ, അമ്പിളി സജീവ്, റേച്ചൽ മിശ്ര, നാരായണൻ നെതിയാലത്ത്, ചിക്കു ബിജു, സജിത്ത് തൈവളപ്പിൽ, ജോസ് വടകര എന്നിവർ മുഖപത്രത്തിന്റെ എഡിറ്റർമാരായി പ്രവർത്തിക്കുന്നു.

താലപ്പൊലിയുടേയും വാദ്യമേളങ്ങളുടേയും അകമ്പടിയോടെ മഹാബലിയെ എതിരേല്ക്കും. പ്രശാന്ത് രാജാ മഹാബലിയായി വേഷമിടും.

ശ്രീകുമാർ നമ്പ്യാർ, ജയൻ നിയർ, രഘു വാര്യർ എന്നിവർ ചേർന്ന് വിഭവസമൃദ്ധമായ ഓണസദ്യയൊരുക്കും. ജയൻ നിയർ, ജോസഫ് വടക്കേൽ, സജിത്ത് തൈവളപ്പിൽ, പ്രകാശ് മുണ്ടയ്ക്കൽ, ബിനു തങ്കച്ചൻ, വിനു തോമസ്, മഞ്ജു നായർ, വിദ്യാ വാര്യർ, കിരൺ കുര്യൻ എന്നിവർ പരിപാടികൾക്ക് നേതൃത്വം നൽകും.