മുംബൈ: ബോളിവുഡ് നടൻ അർജുൻ കപൂറിന് കോവിഡ് 19 സ്ഥിരീകരിച്ചു. തന്റെ ഇൻസ്റ്റഗ്രാം പേജിലൂടെ നടൻ തന്നെയാണ് വിവരം പുറത്തുവിട്ടത്. തനിക്ക് രോഗലക്ഷണങ്ങൾ ഒന്നും ഇല്ലായിരുന്നുവെന്നും പരിശോധനയിൽ ഫലം പോസിറ്റീവ് ആവുകയുമായിരുന്നുവെന്ന് അർജുൻ പറഞ്ഞു. ഡോക്ടറുടെയും അധികൃതരുടെയും നിർദേശപ്രകാരം വീട്ടിൽ ക്വാറന്റൈനിലാണ് ഇദ്ദേഹമിപ്പോൾ.

'കോവിഡ് പോസിറ്റീവ് ആയ വിവരം ഏവരെയും അറിയിക്കുകയെന്നത് എന്റെ ഉത്തരവാദിത്തമാണ്, ഏവർക്കും നന്ദി. ആരോഗ്യവിവരങ്ങൾ നിങ്ങളെ അപ്പപ്പോൾ തന്നെ അറിയിക്കുന്നതാണ്', അർജുൻ കപൂർ പറഞ്ഞു. ഇത് അസാധാരണമായ മുമ്പെങ്ങും ഇല്ലാത്ത സമയമാണെന്നും മനുഷ്യവർഗം ഈ വൈറസിനെ അതിജീവിക്കുമെന്നും അർജുൻ ഇൻസ്റ്റഗ്രാമിൽ കുറിച്ചു.

 

 

അർജുൻ കപൂർകോവിഡ്ബോളിവുഡ് നടൻ