പിതൃസഹോദരനെ തലയ്ക്കടിച്ച് കൊലപ്പെടുത്തിയ കേസ്; പ്രതി അറസ്റ്റിൽ

ആലുവ: പിതൃസഹോദരനെ തലയ്ക്കടിച്ച് കൊലപ്പെടുത്തിയ കേസിൽ കരുമാലൂർ തവരക്കാട് വീട്ടിൽ അരുൺ (21) അറസ്റ്റിലായി. ഈ മാസം മൂന്നിനായിരുന്നു സംഭവം. രാവിലെ മദ്യപിച്ചെത്തിയ പിതൃസഹോദരനായ രാജപ്പൻ അരുണിനെ ഉപദ്രവിച്ചു. അരുൺ അംഗ്ലേയറിന്റെ കഷണം കൊണ്ട് രാജപ്പനെ തലക്കടിച്ചു വീഴ്‌ത്തി.

തുടർന്ന് നെഞ്ചിലും വയറ്റിലും ചവിട്ടി പരിക്കേൽപ്പിച്ചു. അവശനായ രാജപ്പനെ വൈകിട്ട് പ്രതി തന്നെ ആശുപതിയിലെ എത്തിച്ചെങ്കിലും കോട്ടയം മെഡിക്കൽ കോളേജിൽ വച്ച് അഞ്ചാം തീയതി മരണപ്പെടുകയായിരുന്നു. പ്രതിയെ കോടതിയിൽ ഹാജരാക്കി റിമാന്റ് ചെയ്തു.