തൃശൂർ: തൃശൂർ ഗവ. മെഡിക്കൽ കോളജിൽ വിദ്യാർത്ഥിനികളുടെ മുന്നിൽ നഗ്നതാ പ്രദർശനം നടത്തിയ ആളെ അറസ്റ്റുചെയ്തു. പട്ടാമ്പി കൊടുമണ്ണ ചിറയിൽ കളരിക്കൽ ഉണ്ണിക്കൃഷ്ണൻ (35) ആണ് അറസ്റ്റിലായത്. ഇന്നലെ ഉച്ചയ്ക്കാണ് സംഭവമുണ്ടായത്. മദ്യപിച്ചെത്തിയ ഇയാൾ ഫോറൻസിക്ക് വകുപ്പിനു സമീപമുള്ള ബാങ്കിന് അടുത്തുവച്ചാണ് മെഡിക്കൽ വിദ്യാർത്ഥിനികളുടെ മുന്നിൽ പാന്റ് അഴിച്ചുമാറ്റി നഗ്നതാ പ്രദർശനം നടത്തിയത്.

സംഭവമറിഞ്ഞ് സ്ഥലത്തെത്തിയ മറ്റു വിദ്യാർത്ഥികൾ ഇയാളെ കീഴ്പ്പെടുത്തി പൊലീസിൽ ഏൽപ്പിക്കുകയായിരുന്നു. വിദ്യാർത്ഥിനികൾക്കു മുമ്പിൽ സമാന സംഭവങ്ങൾ തുടർക്കഥയാകുന്നതിൽ പ്രതിഷേധിച്ച് മെഡിക്കൽ വിദ്യാർത്ഥികൾ കോളജ് കാമ്പസിലേക്കുള്ള നാലു വഴികൾ അടച്ചു. നാട്ടുകാരുടെ പ്രതിഷേധത്തെ തുടർന്ന് പ്രിൻസിപ്പലിന്റെ അനുമതിയോടെ മെഡിക്കൽ കോളജ് പൊലീസ് വഴികൾ തുറന്നുനൽകുകയും ചെയ്തു.

 

 

അറസ്റ്റ്നഗ്നതാ പ്രദർശനം