മാന്നാർ: മാന്നാർ ഇരമത്തൂരിൽ ബധിരയും മൂകയുമായ സ്ത്രീ ഒറ്റയ്ക്ക് താമസിക്കുന്ന വീട്ടിൽ അതിക്രമിച്ചു കയറി പീഡിപ്പിച്ച സംഭവത്തിൽ യുവാവ് അറസ്റ്റിൽ. തൃപ്പെരുംതുറ ഇരമത്തൂർ ഷീന മൻസിലിൽ കുഞ്ഞുമോൻ മകൻ നിഷാദ് (33) ആണ് അറസ്റ്റിലായത്.

ബുധനാഴ്ച രാത്രി പന്ത്രണ്ടു മണിക്കാണ് ഇയാൾ അതിക്രമിച്ചു കയറി പീഡനം നടത്തിയത്. കെട്ടിടം പണിക്കാരനായ നിഷാദ് രാത്രി സ്ത്രീയുടെ വീടിന്റെ പുറകു വശത്തെ വാതിൽ കമ്പിപ്പാര ഉപയോഗിച്ച് പൊളിച്ചു വീടിനുള്ളിൽ കയറുകയും സ്ത്രീയെ പീഡിപ്പിക്കുകയുമായിരുന്നു.

സ്ത്രീയുടെ ബഹളം കേട്ട് നാട്ടുകാർ ഓടിക്കൂടി പ്രതിയെ പിടികൂടാൻ ശ്രമിച്ചെങ്കിലും നാട്ടുകാരെ ഭീഷണിപ്പെടുത്തി പ്രതി രക്ഷപ്പെട്ടു. തുടർന്ന് മാന്നാർ പൊലീസിൽ വിവരം അറിയിച്ചതിനെ തുടർന്ന് നടത്തിയ തെരച്ചിലിൽ ആണ് പ്രതിയെ പൊലീസ് പിടികൂടിയത്.

 

 

അറസ്റ്റ്പീഡനംമാന്നാർയുവാവ്സ്ത്രീ